पोखरा । गण्डकी प्रदेशमा शनिबार एकैदिन १४ जनाको कोरोना संक्रमितको मृत्यु भएको छ ।
प्रदेश स्वास्थ्य निर्देशनालयले दिएको जानकारी अनुसार कास्कीका ६ सहित पर्वतका ३, स्याङ्जाका २, तनहुँ, गोरखा र म्याग्दीका १/१ जना कोरोना संक्रमितको निधन भएको हो ।
कास्कीको पोखरा महानगरपालिका २ की ३९ वर्षीया महिला, वडा नम्बर १५ का ४९ वर्षीय पुरुष, वडा नम्बर १४ की ४५ वर्षीया पुरुष र वडा नम्बर ३० का पुरुषको उपचारको क्रममा शुक्रबार मृत्यु भएको हो । पोखरा १४ का ५२ वर्षीय पुरुषको पनि मणिपाल शिक्षक अस्पतालमा उपचारको क्रममा शनिबार निधन भएको हो । शनिबार नै पोखरा ८ का ४२ वर्षका पुरुषको संक्रामक तथा सरुवा रोग अस्तालमा उपचारको क्रममा ज्यान गएको हो ।
म्याग्दीको बेनी नगरपालिका ५ की ४५ वर्षीया महिलाको पोखरा स्वास्थ्य विज्ञान प्रतिष्ठानमा उपचारको क्रममा शुक्रबार मृत्यु भएको हो । गोरखाको शहिद लखन गाउँपालिका ४ का ४२ वर्षीय पुरुषको गोरखा जिल्ला अस्पतालमा उपचारको क्रममा शुक्रबारनै ज्यान गएको हो । तनहुँको भीमाद नगरपालिका ५ की २२ वर्षीया पोखरा स्वास्थ्य विज्ञान प्रतिष्ठानमा उपचारको क्रममा शनिबार बिहान निधन भएको प्रदेश स्वास्थ्य निर्देशनालयका निर्देशक डा. विनोद बिन्दु शर्माले जनाए ।
यसैगरि स्याङ्जाको अर्जुनचौपारी १ का ७० वर्षीय पुरुषको पोखरा स्वास्थ्य विज्ञान प्रतिष्ठानमा उपचारकै क्रममा मृत्यु भएको हो । स्याङ्जा कै वालिङ नगरपालिका ६ का ८७ वर्षका पुरुषको गण्डकी मेडिकल कलेजमा ज्यान गएको हो । उनीहरु दुवैजनाको शुक्रबार मृत्यु भएको हो ।
यस्तै पर्वतको जलजला गाउँपालिका ४ का ५५ वर्षीय पुरुष र पर्वत कै कुश्मा नगरपालिकाकी १२ वर्षीया महिलाको उपचारको क्रममा शुक्रबार मृत्यु भएको हो । शनिबार पर्वतको फलेवास नगरपालिका ५ की ३२ वर्षीय महिलाको पनि उपचारकै क्रममा ज्यान गएको हो । यो सँगै प्रदेशमा कोरोनाबाट ज्यान गुमाउनेको संख्या ३ सय ५५ पुगेको छ ।
म्याग्दीमा एकैदिन २ सय ३० जना संक्रमित
गण्डकी प्रदेशको म्याग्दी जिल्लामा एकैदिन २ सय ३० जना नयाँ संक्रमित थपिएका छन् ।
प्रदेश स्वास्थ्य निर्देशनालयका अनुसार गण्डकी प्रदेशमा ७ सय ७० संक्रमित थप भएका छन् । ती मध्येसबै भन्दा बढि म्याग्दीमा देखिएको हो । दोस्रोमा कास्की रहेका छ । कास्कीमा १ सय ६८ जना थपिएका छन् । नवलपुरमा १ सय ४७ जना संक्रमित थपिदा मनाङ, मुस्ताङ र लमजुङमा कोरोना पोजेटिभको संख्या शून्य रहेको छ ।
बाग्लुङमा ७९, तनहुँमा ५८, गोरखामा ४९, स्याङ्जामा २१ र पर्वतमा १८ जनामा कोरोना पोजेटिभ देखिएको हो । योसँगै गण्डकीमा सक्रिय संक्रमितको संख्या ७ हजार ७ सय १५ पुगेको छ । भने ३ सय जनाले कोरोना जितेका छन् ।
नेपालभर पछिल्लो २४ घण्टामा देशभर थप ८ हजार १ सय ६७ जनामा कोरोनाभाइरस संक्रमण पुष्टि भएको छ । यस्तै १ सय ८७ जनाले ज्यान गुमाएको स्वास्थ्य तथा जनसंख्या मन्त्रालयले शनिबार जनाएको छ ।
मन्त्रालयका अनुसार शनिबार पिसिआर विधिबाट १७ हजार ९ सय ७१ र एन्टिजेन विधिबाट ५७७ जनाको परीक्षण गर्दा ८ हजार १ सय ६७ जनामा कोरोना संक्रमण पुष्टि भएको हो । यस्तै सोही अवधिमा ५ हजार ४ सय ८८ जनाले कोरोना जितेका छन् ।
यससँगै देशभर कोरोना निको हुनेको कुल संख्या ३ लाख ३३ हजार १ सय ८ जना पुगेको छ भने कुल संक्रमितको संख्या चाहिँ ४ लाख ४७ हजार ७ सय ४ पुगेको छ ।
हालसम्म संक्रमितमध्ये ४ हजार ८ सय ५६ जनाको मृत्यु भएको छ भने बाँकी १ लाख ९ हजार ७ सय ४० जना सक्रिय संक्रमित रहेका छन् । उनीहरु होम आइसोलेशन र विभिन्न अस्पतालमा उपचाररत रहेका छन् ।
Related News
सम्बन्धित समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१