पोखरा । देश संघीय संरचनामा गइसकेपछि देश ७ प्रदेशमा विभाजित भयो । सातै प्रदेशमा आवश्यकता अनुसार मन्त्रालय बने । गण्डकी प्रदेशमा पनि ६ वटा मन्त्रालय तय भयो । त्यसले काम गर्ने क्षेत्र तय गरियो । ती मन्त्रालयमध्ये भूमि र कृषि हेर्ने गरी भूमि व्यवस्था तथा कृषि मन्त्रालय गठन गरियो ।
मन्त्रालयले आफ्नो कामको सहजतालाई ध्यानमा राखी संरचना तयार पनि भयो । सबै संरचना हेर्ने गरी कृषि विकास निर्देशनालय पोखरामा स्थापना भयो । पोखरा संरचनाभित्र ११ जिल्लाको प्रतिनिधित्व गर्ने गरी प्रत्येक जिल्लामा १÷१ वटा रहने गरी कृषि ज्ञान केन्द्र बनाइएको छ । मन्त्रालयले हेर्ने गर िएउटन कृषि तालिम केन्द्र बन्यो । ३ वटा प्रयोगशाला (माटो तथा मल परीक्षण, बिउबिजन, बाली संरक्षण), २ वटा कृषि स्रोत केन्द्र र एउटा व्यावसायिक किट विकास केन्द्रको संरचना तयार भयो ।
कागजमा संरचना बनाएर कार्यान्वयन गर्दै जाँदा प्रदेश सरकार गठन भएको ३ वर्ष बितिसक्दा पनि भनेजति कर्मचारी पाउन सकेको छैन । मिडिया र कृषि प्राविधिकको अन्तक्र्रिया कार्यक्रममा निर्देशनालयका प्रमुख वासुदेव रेग्मीले प्रदेश भरका कार्यालयका लागि २ सय २५ कर्मचारी दरबन्दी रहेकोमा १ सय २६ मात्र कर्मचारी रहेको जानकारी दिए । कृषि विकास निर्देशनालय, पोखरामा नै दरबन्दी अनुसार कर्मचारी छैनन । १९ जना कर्मचारी आवश्यक पोखरामा १५ जनामात्र कर्मचारी छन् । कृषि व्यवसाय प्रवद्र्धन सहयोग तथा तालिम केन्द्र, पोखरामा १४ जना आवश्यक पर्नेमा ६ जना कर्मचारी छन् । माटो तथा मल परीक्षण प्रयोगशाला पोखरामा ३ कर्मचारी अपुग छ । बाली संरक्षण प्रयोगशाला पोखरामा ५ जना, बिउबिजन प्रयोगशाला पोखरामा ५ जना, बागवानी विकास स्रोत केन्द्र पोखरामा ३ जना र व्यावसायिक किट विकास केन्द्र बन्दीपुरमा ५ जना कर्मचारी अझै नपुगेको प्रमुख रेग्मीले बताए । जिल्लास्थित कृषि ज्ञान केन्द्रका लागि पनि दरबन्दी अनुसार कर्मचारी नभएको उनको भनाइ छ । कर्मचारी पदपूर्तिका लागि मन्त्रालयमा कुरा भइरहेको उनले स्पष्ट पारे ।
कार्यक्रममा कृषिका सम्पूर्ण सूचना सबै जिल्लाका किसानबीच पु¥याउन मिडियाको महत्वपूर्ण भूमिका रहने उनले बताए । कृषिका विषयमा कलम चलाउने पत्रकारको संख्या कमी रहेकामा उनको दुखेसो थियो । कृषिका समाचार लेख्ने पत्रकारका क्षमता अभिवृद्धिका लागि आफूहरुले पनि केही कार्यक्रम गर्ने सोच रहेको उनले सुनाए । कार्यक्रममा गण्डकी प्रदेशमा कृषि विकासका विषयमा प्रमुख रेग्मीले कार्यपत्र प्रस्तुत गरे । कृषि विकासमा आमसञ्चार विषयमा कृषि व्यवसाय प्रवद्र्धन सहयोग तथा तालिम केन्द्र, पोखराका निमित्त प्रमुख विष्णुप्रसाद घिमिरे प्रस्तुति राखेका थिए । भने कृषि प्रसारका लागि मिडिया र सरकार विषयमा डा. रामचन्द्र बराले प्रस्तुति राखेका थिए । उनीहरुको प्रस्तुतिपछि प्रदेशका विभिन्न जिल्लाका पत्रकार र कृषि प्राविधिकले छलफल गरेका थिए ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१