दमौली । भानु नगरपालिकाका कर्मचारीले आइतबारदेखि अनिश्चितकालका लागि कामकाज बन्द गरेका छन् । कार्यालयको सामान चोरी गरेको आरोपमा कर्मचारीलाई प्रहरी हिरासतमा राखेपछि कर्मचारी आन्दोलित भएका हुन् ।
नगरपालिकाका कर्मचारीहरुले आइतबार संयुक्त विज्ञप्ति जारी गरी कर्मचारीको आवश्यक सुरक्षाको प्रत्याभूति र सुरक्षित तबरले काम गर्ने वातावरण नभएसम्म कामकाज बन्द गरिएको घोषणा गरेका हुन् ।
नगरपालिकाको फुस्रेटारबाट भन्सारस्थित कार्यालयमा शुक्रबार बेलुका ७ बजे सामान लैजाने क्रममा १ नगर प्रहरीसहित ३ जनालाई प्रहरीले नियन्त्रणमा लिएको नगरपालिका १ कर्मचारी जानकारी दिए ।
स्थानीय वडा अध्यक्ष, जनप्रतिनिधि र स्थानीय उपस्थितिमा चोरीको झुटो मुचुल्कामा जर्बजस्ती हस्ताक्षर गर्न लगाएर कर्मचारीलाई नियन्त्रणमा लिइएको भन्दै कर्मचारीले आन्दोलित भएको उनले बताए ।
भानु नगरपालिकाको मुकाम भानु २ फुस्रेटारमा भए पनि नगरपालिकाले त्यस ठाउँमा अपायक परेको भन्दै हाल भानु १ भन्सारको कार्यालयबाट मुख्य प्रशासनिक काम गरिरहेको छ । त्यसका लागि सामान सार्ने क्रममा सबै कार्यालयीय काम फुस्रेटारबाटै हुनुपर्ने मागमा रहेका स्थानीय तथा जनप्रतिनिधिले कर्मचारीले सामान चोरी गरेको भन्दै उजुरी गरेपछि इलाका प्रहरी कार्यालय भानुमुकाम डुम्रेले ४ कर्मचारीलाई नियन्त्रणमा लिएर मुचुल्का गराएको विज्ञप्तिमा उल्लेख छ ।
नगरपालिकाका वरिष्ठ अधिकृत सुनील पाण्डेले इमान्दार भएर गरिएको काममा चोरीको आरोप लागेपछि कर्मचारीले असुरक्षा महसुस गरेको बताए । उनले भने, ‘स्टोरकिपर, कर्मचारी र प्रहरीसहित गएको टोलीले कार्यालय समयभन्दा बाहिरी समयमा काम गरेका थिए । उनीहरु चोरी गर्न गएका थिएनन्,’ उनले भने, ‘इमान्दार कर्मचारीलाई जनप्रतिनिधिले नै चोरी गरेको आरोप लगाए ।’
यता, नगरप्रमुख उदयराज गौलीले कसैलाई प्रहरीले नियन्त्रणमा नलिएको दाबी गर्छन् । उनले भने, ‘सामान्य विषयमा विवाद हो । हामीले छलफल गरिएका छांै ।’ उनले भने, ‘सामान चोरी भएको छैन । चोरी गरिएको कुरा असत्य हो ।’ भानु नगरपालिकाको केन्द्र फुस्रेटार भए पनि कार्यालयका धेरै काम भन्सारमा हुन थालेपछि फुस्रेटारवासीले विरोध गर्दै आएका छन् । कार्यालयका सामान सार्न थालेपछि फुस्रेटारको कार्यालय पूर्ण स्थानान्तरण हुनसक्ने आशंकामा स्थानीय र जनप्रतिनिधिले स्थानान्तरण गरेपछि विवाद सिर्जना भएको हो । केन्द्र विवादले नगरपालिकाको काममा धेरै प्रभावित भएको १ कर्मचारीले बताइन् । उनले भनिन्,‘जनप्रतिनिधिको विवादले कर्मचारीहरुले राम्रोसँग काम गर्न पाएका छैनन् । ’
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१