पोखरा । १५ औं पोखरा म्याराथन अन्तर्गत शनिबार फरक क्षमता भएकाबीच दौड हुँदैछ । महिला पुरुष दुवै विधामा ह्वीलचियर र दृष्टिविहीन दौडको अन्तिम तयारी पूरा भएको शनिबार पत्रकार सम्मेलनमा आयोजक भूतपूर्व खेलाडी मञ्च नेपालले जनायो ।
दृष्टिविहीनतर्फ १२ महिला र ३३ पुरुषले नाम दर्ता गरेका छन् भने ह्वीलचियरतर्फ १५ जना भन्दा बढीले नाम दर्ता गरिसकेको मञ्च अध्यक्ष तेजबहादुर गुरुङले जानकारी दिए । दुवै विधामा प्रथम, दोस्रो र तेस्रोलाई क्रमशः ७, ५ र ३ हजार रुपैयाँ पुरस्कार प्रदान गरिनेछ ।
मञ्चले १० किमी पुरुष/महिला दौड तथा ५ किमी छात्रछात्रा दौडको रुट परिवर्तन गरेको छ । चैत १४ मा हुने १० किमी पुरुष÷महिला दौड पोखरा रंगशालाबाट सुरु भएर पृथ्वीचोक, मुस्ताङचोक, सहिदचोक, लेकसाइड, हल्लनचोक, जरेवर, जिरो किमी, सिर्जनाचोक, सभागृहचोक, न्यूरोडहुँदै मानवअधिकार चोक पुगेर समापन हुनेछ । सो विधामा दौड पूरा गर्ने महिलातर्फ १ सय र पुरुषतर्फ २ सय जना धावकलाई मेडल प्रदान गरिनेछ ।
पोखरा म्याराथनअन्तर्गत आगामी वैशाख ४ मा हुने ५ किमी छात्र÷छात्रा दौडको रुट पोखरा रंगशाला, पृथ्वीचोक, सभागृह चोक, न्यूरोड, बिपीचोक, महेन्द्रपुल, नयाँबजार, पृथ्वीचोक हुँदै पोखरा रंगशालासम्म कायम गरिएको छ । सो दौड पूरा गर्ने २ सय छात्रा र ३ सय छात्रलाई मेडल दिइने अध्यक्ष गुरुङले बताए ।
कोरोना महामारीको कारण आयोजकले सुरुआतमा स्थगित गर्ने भनिएको ‘रन फर फन’ वैशाख ४ मै हुनेछ । सिटी म्याराथनको अवधारणालाई विश्व मानचित्रमा परिचित गराउन अन्ततः यस वर्ष पनि निरन्तरता दिइएको मञ्च अध्यक्ष गुरुङले बताए ।
यसअघि, फागुन १ मा म्याराथन (४२.१९५ किमी) र हाफ म्याराथन (२१ किमी) भएको हो । म्याराथनमा आर्मीका राजन रोकाया र हाफ म्याराथनमा पुलिस क्लबकी राजपुरा पछाईंले उपाधि जितेकी थिइन् ।
प्रतियोगिताको मुख्य प्रायोजक सुजल डेरीको उत्पादन सफल दूध हो ।
पोखरेली मञ्च युकेको सहयोग
पोखरेली मञ्च यूकेले पोखरा म्याराथनका लागि ५ लाख ३० हजार सहयोग गरेको छ । पोखरेली मञ्च यूकेका कोषाध्यक्ष कमल गुरुङले सो बराबरको चेक भूतपूर्व खेलाडी मञ्च नेपालका अध्यक्ष तेजबहादुर गुरुङलाई बिहीबार हस्तान्तरण गरे ।
कोषाध्यक्ष गुरुङले पोखरा म्याराथनलाई सहयोग गर्नु सबैका लागि गौरवको विषय भएको बताउँदै म्याराथनलाई पोखरेलीले अपनत्व प्राप्त गरेको सफल कार्यक्रममध्येको एक भएको उल्लेख गरे ।
पोखरेली मञ्च यूके अध्यक्ष मानप्रसाद गुरुङले पोखरा म्याराथनमा उपस्थित हुन नसके पनि रकम संकलनका लागि पूर्व राष्ट्रिय महिला भलिबल खेलाडी मञ्जु गुरुङ राईको संयोजकत्वमा अर्थ संकलन समिति गठन गरिएको बताए ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१