पोखरा । नेपाल मोबाइल वितरक संघ गण्डकीको अध्यक्षमा मनोहरप्रसाद श्रेष्ठ निर्वाचित भएका छन् । शनिबार भएको पाँचौ साधारणसभा तथा तेश्रो अधिवेशनले श्रेष्ठको अध्यक्षतामा नयाँ कार्यसमिति चयन गरेको हो । समितिको बरिष्ठ उपाध्यक्षमा सुशिल कुमार गुरुङ, उपाध्यक्षमा जीवन ढुंगाना, सचिवमा विनोद केसी, सहसचिवमा चिन्तामणी खरेल र कोषाक्ष्यक्षमा सुनिले श्रेष्ठ चयन भए । यस्तै, सदस्यहरुमा सुदिप कँडेल, पुरूषोत्तम पौडेल, मुक्तिनाथ त्रिपाठी, केशब पराजुली र संजय श्रेष्ठ छन् । सल्लाहकारहरुमा निवर्तमान अध्यक्ष शिबराज पहारी र दिनेश श्रेष्ठलाई चयन गरिएको छ ।
कार्यक्रमलाई सम्बोधन गर्दै मोबाइल फोन इम्पोर्टर एशोसियसनका अध्यक्ष दीपक मल्होत्राले नेपालको बजार साँघुरो भएका कारण नेपालमै मोवाईल उत्पादनको उद्योग चलाउन नसकिने बताए । ‘नेपालमा केहि उत्पादन हुँदैन । सबैकुरा आयात गर्ने हो,’ उनले भने, ‘सबै चिज ल्याएर जोडेर मात्रै उद्योग चल्दैन । कुन ब्राण्डको मोबाइल बनाउने ? अहिलेको अवस्थामा त्यो सम्भव छैन ।’ उनले वर्तमान समयमा मोवाईल क्षेत्रको सबैभन्दा ठूलो चुनौति चोरी र भन्सार छली नै भएको बताए ।
‘चोरीका सामान बजारमा बढेको छ । भन्सार छलेर ल्याएका सामान हरु बेचिएका छन्,’ उनी भन्छन्, ‘त्यसको अनुगमन र कारबाही हुँदैन । हामीजस्तो राज्यको नीतिभित्र बसेर व्यापार गर्नेहरु बढी समस्यामा पर्छौं ।’ राज्यको नीतिका कारण चोरी बढी भएको उनले सुनाए । कोभिडको समयमा भने मोवाईलको ब्यापार राम्रो भएको उनको भनाई छ ।
मोवाईल वितरक संघ नेपालका अध्यक्ष दिनेश चुल्याधोले कुनै जानकारी र योजना विनै मोवाईलको व्यापारमा आउँदा धेरैको लगानी डुबेको बताए । नेपाल उद्योग वाणिज्य संघ गण्डकीका अध्यक्ष संजीवबहादुर कोइरालाले सरकार व्यवसायी र उद्योगी मैत्री नभएको गुनासो गरे । बैदाम प्रहरी प्रमुख डीएसपी चिनिमाया तामाङले मोवाईलको चोरी निकासी रोक्न निकै कठिन भएको बताईन् । ‘धेरै प्रयास गरिएको छ । तर सफल भएको छैन । यता चोरिएका मोवाईल भन्सार पारी बोराका बोरा भेटिन्छ । उता चोरिएको यता आउँछ,’ उनले भनिन्, ‘यसको नियन्त्रण गर्ने मेकानिज्म बन्न सकेको छैन । यो साझा एजेण्डा बनाएर चोरी पैठारी रोक्ने प्रयास गरौं ।’ कार्यक्रमका सहभागीहरुले मोवाईल व्यवसाय अझै मर्यादित हुन नसकेको गुनासो गरेका थिए ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१