पोखरा । गण्डकी प्रदेशसभाको विशेष अधिवेशन आज सुरु हुँदैछ । प्रदेशसभा स्थापना भएपछि पहिलोपटक हुन लागेको अधिवेशन दिउँसो १ बजे पोखरा सभागृहमा हुने तय भएको छ ।
विशेष अधिवेशनमा पेस हुने विषयवस्तुका बारेमा कार्यसूची बनाउन भने दलहरु असफल भएका छन् । कार्यसूचीका लागि सोमबार कार्यव्यवस्था परामर्श समितिको बैठक बसे पनि समिति सदस्यबीच नै मत बाझिएका कार्यरण सहमति जुट्न सकेको छैन ।
प्रतिपक्ष दलका सांसद संकल्प प्रस्तावमा रहेका र सत्तापक्ष सार्वजनिक महत्वको प्रस्तावका पक्षमा रहेकाले कार्यसूचीमा सहमति नजुटेको हो । यसका लागि आज बिहान ११ बजे फेरि बैठक बस्दैछ ।
कोरोना नियन्त्रण गर्न नसकेको, महंगी र बेरोजगारी अस्वभाविक रुपमा बढेको, विकास निर्माणका काम ठप्प भएको लगायत एजेन्डा देखाएर प्रमुख प्रतिपक्षी दल नेपाली कांग्रेस र प्रतिपक्षी जनता समाजवादी पार्टीले विशेष अधिवेशन मागेका हुन् ।
अधिवेशनको पूर्वसन्ध्यामा दुवै प्रतिपक्षी दलले संयुक्त बैठक बसेर एजेन्डागत रुपमा प्रतिवेदन तयार गरेका छन् । उक्त प्रतिवेदन विपक्षी दलका नेता कृष्णचन्द्र नेपाली पोखरेलले सदनमा पेस गर्ने छन् । प्रतिवेदनमा अहिले प्रदेशमा २ सय ३९ प्रतिशत कोरोना परीक्षण घटेको देखाइएको छ ।
यसबाहेक अब आउने भ्याक्सिनको परिचालन, विकास निर्माण कामको सक्रियता बढाउन पनि सुझाइएको छ । प्रतिपक्षी दलले माघ महिनाभरि बजेट कार्यान्वयनको थालनी नभए आत्मसमर्पण गर्न सरकारलाई चेतावनी दिएको छ ।
अधिवेशनमा संसदमा प्रतिनिधित्व गर्ने ४ वटै दलका नेताले संबोधन गर्ने छन् । यहाँ सत्तारुढ नेकपासहित प्रमुख प्रतिपक्षी दल नेपाली कांग्रेस, प्रतिपक्षी दल जनता समाजवादी र सरकारको समर्थक दल राष्ट्रिय जनमोर्चा छन् । एजेन्डाबाहेक अरु गतिविधि नहुने बताइएको छ ।
नेकपाको विभाजनपछि रुष्ट बनेको दाहालने/पाल समूहले अविश्वासको प्रस्ताव दर्ता गराउने चेतावनी दिएको थियो । तर संख्या नपुग्ने भएपछि त्यसबाट पछि हटेको छ ।
Related News
सम्बन्धित समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
hero news full width
मुख्य समाचार
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१