पोखरा । गण्डकी प्रदेश सरकारले संक्रामक रोग अस्पतालका लागि आवश्यक जग्गा नेपाल सरकारसँग मागेको छ । यसअघि लेखनाथ सामुदायिक लायन्स अस्पताल नाममा चल्दै आएको अस्पताललाई प्रदेशले संक्रामक रोग अस्पतालरुपमा विकास गरेको हो ।
अहिले त्यहाँ पूर्वाधार निर्माण गर्नुपर्ने र जग्गा अपुग भएकोले थप जग्गा मागिएको हो । वन क्षेत्रले चर्चेको जग्गामध्ये १ सय रोपनीभन्दा बढी अस्पतालका लागि मागिएको सरकारका प्रवक्ता रामशरण बस्नेतले बताए । उनका अनुसार त्यहाँ रहेको ५ सय ४ रोपनी जग्गामध्ये दक्षिणतर्फको १ सय रोपनी १ आना जग्गा अस्पतालको प्रयोजनका लागि मागिएको हो ।
शुक्रबार बसेको मन्त्रिपरिषद् बैठकले प्रदेशभित्रका मन्त्रालय र मातहतका कार्यालयहरुको संगठन तथा व्यवस्थापन सर्भेक्षणको लागि निर्देशिका जारी गरेको छ । यो सर्भेक्षणपछि कर्मचारी थपघट, हेरफेर र परिमार्जन गर्न सजिलो हुने छ । प्रदेशका मन्त्रालय र मातहतका कार्यालयबाट संगठन संरचना तथा दरबन्दी सर्भेक्षण गर्न सम्बन्धित मन्त्रालयका सचिवको संयोजकत्वमा समिति गठन हुनेछ । समितिले गरेको सर्वेक्षणपछि संगठन संरचना तयार गरिने बस्नेतले बताए ।
यस्तै, प्रदेश विकास प्राधिकरणको कार्यकारी निर्देशकको नियुक्तिका लागि सिफारिस समिति गठन भएको छ । भौतिक पूर्वाधार विकास मन्त्री रामशरण बस्नेतको संयोजकत्वमा नीति तथा योजना आयोगका उपाध्यक्ष डा गिरीधारी शर्मा र प्रमुख सचिव विष्णुप्रसाद नेपाल सदस्यसचिव रहेको समिति गठन भएको हो । समितिले आफै कार्यविधि बनाएर उपयुक्त उम्मेदवार सरकारलाई सिफारिस गर्ने छ । ४५ दिनभित्र उम्मेदवार खोजी गरिने बस्नेतले जानकारी दिए ।
यसबाहेक स्थानीय तहको स्वयम्सेवक परिचालन कार्यविधि स्वीकृति भएको छ भने प्रदेश आर्थिक कार्यविधि तथा वित्तिय उत्तरदायी विधेयक प्रदेशसभामा पेश गर्ने निर्णय गरिएको छ । अहिले प्रदेशभित्र अर्थतन्त्रका सबै प्रणाली आर्थिक कार्यविधि, २०७४ अनुसार चल्दै आएको छ । वित्तीय व्यवस्थापनलाई थप पारदर्शी र जवाफदेही बनाउन तथा व्यवस्थित गर्न यो विधेयक तयार गरिएको सरकारले जनाएको छ । विधेयक पास भएपछि बजेट तर्जुमा, निकासा, खर्च, लेखापरीक्षणलगायत सबै काम यही ऐनअन्तर्गत हुनेछ ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
पोखरा देशभरकै प्रदूषित सहर
वैशाख २३, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१