पोखरा ।
अखिल नेपाल फुटबल संघ(एन्फा)ले कास्कीको माछापुच्छ«े गाउँपालिकामा टेक्निकल सेन्टर (एन्फा एकेडेमी) निर्माण गर्ने भएको छ । फुटबलको सर्वोच्च नियमनकारी निकाय फिफाको आर्थिक सहयोगमा वडा नम्बर ६ को भेडाबारी स्थित ५ सय रोपनी जग्गामा आधुनिक र सुविधासम्पन्न फुटबल एकेडेमी निर्माणको तयारी गरिएको हो ।
एन्फाले एकेडेमी निर्माणका लागि आवश्यक सम्पूर्ण कागजी प्रक्रिया पूरा गरेर बोलपत्र आह्वानको तयारीमा जुटेको जनाएको छ । एकेडेमीलाई एन्फाले फुटबलको ‘ड्रिम प्रोजेक्ट’का रूपमा लिएको छ ।
पोखराबाट १४ किमी दूरीमा अवस्थित भेडाबारीमा सडक पूर्वाधारको पहुँच र माछापुच्छ«े तथा अन्नपूर्ण हिमशृङ्खला समेतको दृश्यावलोकन गर्न सकिने भएकाले एकेडेमी निर्माणका लागि त्यो ठाउँ छनोट गरी दुई वर्षअघि देखि प्रक्रिया शुरु भएको थियो ।
एकेडेमी निर्माणका लागि एन्फा कार्य समितिले पहिलो चरणमा १७ करोड बजेट उपलब्ध गराउने निर्णय गरिसकेको एन्फा केन्द्रीय उपाध्यक्ष कृष्णबहादुर थापाले बताए । परियोजनामा ८० देखि ९० करोडसम्म लगानी हुने बताईएको छ ।
एन्फाले प्रस्ताव गरेको बहुउद्देश्यीय परियोजनामा ५ सय देखि १ हजार दर्शक क्षमताको प्यारापिट तयार गरिनेछ भने फुटबल मैदान, दुई फुटसल मैदान, दुई अभ्यास मैदान, एक मुख्य मैदानसहित छात्रवास, प्रशासन भवन, चमेनागृह, पाहुना ब्लक, जिम, मेडिकल तथा पुनस्र्थापना केन्द्र, आर्टिफिसियल मिनी पिच, बीच फुटबल मैदानलगायत संरचना बनाउने योजना छ ।
स्वदेशी तथा विदेशी क्लबका खेलाडीको अभ्यासस्थलका रूपमा त्यसलाई अघि बढाउने योजना रहेको एन्फाले जनाएको छ । एकेडेमीको विस्तृत आयोजना प्रतिवेदन (डिपिआर), जमीन नाप जाँच लगायतका कार्य सम्पन्न भएर निर्माणका लागि बोलपत्र आह्वानको तयारी भए पनि त्यसअघि प्रस्तावित ठाउँको दुबैतर्फ नदी तटबन्धनको कार्य गर्न एन्फाले प्रदेश सरकारलाई आग्रह गरेको माछापुच्छ«े गाउँपालिका अध्यक्ष कर्णबहादुर गुरुङले बताए । गाउँपालिका अध्यक्ष गुरुङले परियोजना माछापुच्छ«ेको मात्र नभएर गण्डकी प्रदेश तथा समग्र देशको फुटबलको श्रीवृद्धिका लागि महत्वपूर्ण हुने बताए ।
मुुख्यमन्त्री गुरुङले शुक्रबार एन्फा टेक्निकल सेन्टरका लागि प्रस्तावित जमिनको निरीक्षण गर्र्दै परियोजना शुरुआत गर्नुअघि मर्दी र इदी खोलाले कटान गरेको जमीन संरक्षणका लागि प्रदेश सरकारले काम अघि बढाउने प्रतिबद्धता जनाए । ‘नदी कटानको जोखिमलाई देखाएर यो परियोजना अन्यत्र जान्छ कि भन्ने आशंका छ । प्रदेश सरकारले नदि कटान नियन्त्रणमा सघाउँछ,’ उनले भने, ‘पोखरा नजिकको यो ठाउँमा टेक्निकल सेन्टर बनाउन सरकार प्रतिबद्ध छ ।’ रासस
Related News
सम्बन्धित समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
hero news full width
मुख्य समाचार
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१