१. पोखरा महानगरपालिकाको वडा नं. ९ र ११ लाई जोड्ने महेन्द्रपुलबाट देखिने सेती नदीको गल्छी पर्यटकहरुको आकर्षण स्थल बन्दै आएको छ । बाहिरबाट आउने र आन्तरिक पर्यटक मात्र होइन त्यही बाटो भएर हिड्नेहरु पनि दिनहुँ सेतीको गहिराई हेरेर आनन्द लिने गर्छन् । हिमालबाट आएको दुध जस्तै देखिने पानी भएको सेतीनदी साँघुरो ठाउँबाट बगेको देख्दा जो कसैको पनि मन लोभिन्छ ।
२. हालको पक्की पुल तत्कालीन पोखरा नगरपालिकाले २०४६ सालमा बनाएको हो । पोखरामा सेती सिंचाई आयोजनाको नहर बनाउन आएको चिनिया ठेकेदार कम्पनीले त्यो पुल बनाएको थियो । त्यस अघि फलामे पुल थियो । राजा महेन्द्रको पालामा २०१८ सालमा बनेको उक्त पुल साना गाडी गुड्दा धेरै हल्लन थालेपछि पक्की पुल बनेको हो । २०१८ सालको फलामे पुल अघि झण्डै ५० मिटर तल काठको पुल थियो ।
३. मुस्ताङ, म्याग्दी, बालगुङ, पर्वत देखि पोखरा भएर काठमाडौं जाने मुख्य मार्गमा रहेको सो पुल कोठे साँघु भनेर चिनिन्थ्यो । त्यस ताका कोठे साँघु मुख्य नाका कै रुपमा थियो । सेती नदीमा त्यस वाहेक नजिक अरु कुनै पुल थिएन । कोठे साँघुकै कारण वारी साँघुमुख र पारीपट्टी रानीपौवा बजार बनेको थियो । कवि शिरोमणि लेखनथ पौडेलको पूर्व स्मृति कवितामा–‘कोठे साँघु बजारको झिलीमिली मीठा उखु सुन्तला’ भन्ने पद्याशंले पनि त्यतिखेरको बजारको अनुमान गर्न सकिन्छ ।
४. पुराना वस्तुहरुको संरक्षणको कुरा चल्दा कोठे साँघु पनि पोखराको ऐतिहासिक महत्वको स्थान भएकोले यसलाई पनि संरक्षण गर्नुपर्ने आवाज उठ्यो । सीसाको पुल हाल्दा सेती गहिराई हेर्न पर्यटकहरु आउन सक्छन् भन्ने कुराले ग्लास व्रिज राख्ने सुझाव आयो । प्रदेश सरकारले योजना पनि बनायो । तर प्राविधिक नभएको वाहाना बनाएर योजना रोकियो । स्यानीयले भने ग्लास व्रिजका लागि पहल छाडेका छैनन् ।
५. साँघुमुखको संरक्षणको लागि वातावरण मैत्री उपभोक्ता समिति पनि गठन भएको छ । समितिले उक्त स्थानलाई सरसफाई गर्दै आएको छ । साथै सो स्थानमा पार्क निर्माण गरी पुलका विरुवा रोप्ने कार्य पनि अघि बढाएको छ । पहिले माथि महेन्द्रपुलबाट तल हेर्दा उक्त स्थानमा फोहोर थुप्रिएको देखिन्थ्यो । अहिले सरसफाई भएको छ । पार्क बन्दा अझ सौन्दर्य बढ्नेछ । ग्लास व्रिज बन्ने वातावरण पनि सिर्जना हुनेछ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१