मंगलवार राति परेको अविरल वर्षाका कारण पोखरा ३३ बर माझथरमा पहिरोले स्थानीयलाई सास्ती दिएको छ ।

गत साउनमा लगातारको वर्षाले क्षति पु¥याएको सडकखण्डको दक्षिण छेउतिरबाट भत्केर पहिरो गएपछि स्थानीयलाई सास्ती भएको हो ।

लगातारको वर्षासँगै पोखरा महानगरपालिका वडा नं ३३ वर माझथर स्थित छोरेपाटन लामगादी ग्रामीण सडकको उक्त खण्ड क्षति हुनुका साथै केही घरसमेत जोखिममा परेको जनाइएको छ ।

यसअघि पनि वर्षाले पटक–पटक क्षति पु¥याएको उक्त सडकखण्ड स्थानीयको उद्दार कार्यबाट सुचारु गरिए पनि ठूला सबारी आवतजावतमा पहिरोका कारण समस्या देखिएको छ ।

उक्त सडकखण्डको अवस्था र पहिरोको क्षतीबारे ३३ नं वडा कार्यालयमा जानकारी गराउन आएका गणेश थापाले उक्त ठाउँका चारपाँच घर उच्च जोखिममा परेका बताएका छन् ।

पहिरोका कारण खेतीबाली पुरिंदा यहाँका सर्वसाधारण समस्यामा परेको स्थानीय सन्तोष पौडेलले जानकारी दिए ।