पोखरा । पोखरा ८ स्थित बगालेटोल तमु समाजको ३७ औं वार्षिक साधारणसभा सम्पन्न भएको छ।

तमु धिं नेपालको क्षेत्रीय समाजमा रुपमा अत्यन्तै क्रियाशील समाजले कोरोना कहरबीच स्वास्थ्य सुरक्षा अपनाउँदै साधारणसभा सम्पन्न गरेको हो।

प्रमुख अतिथि समाजका ज्येष्ठ सदस्य तुलासिंह तमुले कार्यक्रम उद्घाटन गरे ।

साधारणसभामा सचिव प्रेमबहादुर तमुले प्रस्तुत गरेको वार्षिक प्रगति प्रतिवेदन र कोषाध्यक्ष मनश्री तमुले प्रस्तुत गरेको आर्थिक प्रतिवेदन पारित गरिएको थियो।

कार्यक्रममा बगालेटोल तमु समाजकी आमा समिति अध्यक्ष पञ्चकुमारी तमु हालै सम्पन्न तमु धिं नेपाल केन्द्रिय आमा समितिको दोश्रो महाधिवेशनबाट अध्यक्ष पदमा सर्वसम्मत निर्वाचित भएकोमा सम्मान गरियो ।

कार्यक्रममा तमु धिं नेपालका द्वितीय उपाध्यक्ष हुमबहादुर तमु, सल्लाहकार अध्यक्ष मेजर डिलबहादुर तमु, सम्मानित पञ्चकुमारी तमुले शुभकामना मन्तव्य व्यक्त गरे ।

समाजका अध्यक्ष दिलबहादुर तमुको अध्यक्षतामा भएको कार्यक्रमको संचालन सचिव प्रेमबहादुर तमुले सञ्चालन र उपाध्यक्ष भक्तबहादुर तमुले स्वागत मन्तव्य व्यक्त गरे।