दमौली, ३० जेठ । तनहुँको शुक्लागण्डकी नगरपालिका–८ स्थित ढोरवाराही मार्ग निर्माण सम्पन्न भएको एक वर्षमै भत्किएको छ । नगरपालिका र स्थानीय उपभोक्ताको लागत साझेदारीमा निर्माण गरिएको सडक एक वर्षमै भत्किएको हो ।
नगरपालिकाले गत आर्थिक वर्ष २०७५/७६ को बजेटबाट सडक ग्राभेल र कल्भर्ट नाला निर्माण गरेको थियो । तर, उक्त मार्गको केही ठाउँमा सडक भासिएको र नाला भत्किएको स्थानीयवासी दीपक महतले जानकारी दिए । “गुणस्तरहीन काम गरेका कारण छिट्टै सडक र नाला भत्किएको हो, यसबारेमा अनुगमन गरेर सत्यतथ्य पत्ता लगाउनुपर्छ”, महतले भने ।
स्थानीयवासी चन्द्रकान्त भण्डारीले के कारणले सडक र नाला भत्किएको यस बारेमा आफूहरु अनभिज्ञ रहेकाले यसको छानबिन गर्नुपर्ने बताए । “खोलाका कारण नाला भत्किएको हो, प्राविधिक त्रुटि थियो कि थिएन भन्नेबारेमा हामीलाई जानकारी भएन”, उनले भने । शुक्लागण्डकी नगरपालिकाका इञ्जीनियर तारापति भट्टराईले नगरपालिकाको रु ६० लाख र स्थानीय उपभोक्ताको रु १२ लाख गरी कूल रु ७२ लाख लागतमा सडक ग्राभेल र नाला निर्माण गरिएको जानकारी दिए । उनका अनुसार उक्त मार्गको अनुगमनपश्चात उपभोक्ता समितिलाई भुक्तानी दिइएको थियो ।
इञ्जीनियर भट्टराईले खोलाको आडमा जेसिभी प्रयोग गरी खोला खनिदिएका कारण सडक र नालामा क्षति पुगेको बताए । “फाउण्डेशनभन्दा तल लगेर खनेका कारण निर्माण भत्किएको हो”, उनले भने “स्थानीयवासीले जेसिभी प्रयोग गरिदिएका कारण ग्राभेल बाटो चिरा परेको हो ।” उक्त बाटोको अनुगमनका लागि नगरपालिकाले उपप्रमुख सविता रसाइलीको संयोजकत्वमा एक समिति गठन गरेको छ ।
छानबिन माग गर्दै अख्तियारमा उजुरी
सडक र नाला निर्माणमा अनियमितता भएको भन्दै स्थानीयवासी दीपक महतले छानबिनको माग गर्दै अख्तियार दुरुपयोग अनुसन्धान आयोग क्षेत्रीय कार्यालय पोखरामा बिहीबार उजुरी दर्ता गरेका छन् । उजुरीमा कामको जिम्मा लिने व्यक्ति, प्राविधिक र नगरपालिकाको अुनगमन टोली सबै कार्यक्षमतामा आशङ्का भएकाले छानबिन गर्न माग गरिएको छ ।
गल्ती औँल्याउँदा उल्टै पत्र
नाला र सडक भत्किएको विषयमा फेसबुकमा सार्वजनिक गरेपछि महतलाई शुक्लागण्डकी नगरपालिकाले पत्र काटेको थियो । नगरपालिकाका प्रशासन शाखा प्रमुख लक्ष्मण लम्सालद्वारा हस्ताक्षरित उक्त पत्रमा नगरपालिकामा कार्यरत सवइञ्जीनियर अविनाश गुरुङ र अभिलेख पौडेलका सम्बन्धमा सामाजिक सञ्जालमा प्रचार गरेको र उक्त तस्वीरका बारेमा छलफल गर्न बोलाएको उल्लेख गरिएको छ । नगरपालिकाका सूचना अधिकारीसमेत रहेका लम्सालले उक्त विषयका बारेमा निष्पक्ष बुझ्नका लागि उनलाई पनि छलफलमा बोलाइएको जानकारी दिए ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१