नेपालका कमलले जिते, अनलाइन तेक्वान्दो च्याम्पियनसीप

आदर्श समाज सम्वाददाता
जेठ १, २०७७
Kamal Shrestha, Online Taequando Championship

पोखरा । नेपालका खेलाडी कमल श्रेष्ठले विश्व अनलाइन तेक्वान्दो च्याम्पियनसीपमा स्वर्ण जित्न सफल भएका छन् ।

फ्रान्समा जारी विश्व अनलाइन तेक्वान्दोमा ३० वर्ष मुनिको विधामा कमलले स्वर्ण जितेका हुन् । सागका स्वर्ण पदक विजेता कमलले ७ दशमलव ६७ अंक ल्याएर पहिलो भएका हुन् ।

उक्त च्याम्पियनसीपमा नेपालकै जितबहादुर बोटे दोस्रो र नेपालकै प्रेमबहादुर लिम्बु तेस्रो भएका छन् । महिलातर्फ नेपालकी खेलाडी पार्वती गुरुङले ३० वर्ष मुनिको उमेर समूहमा रजत जितेकी छन् । अमेरिकी खेलाडी भन्दा झिनो अंकले पछि पर्दै गुरुङले रजत पदक जितेकी हुन् ।

तेस्रो पटक घरेलु भुमीमै भएको १३ औँ दक्षिण एशियाली खेलकूद (साग) अन्तर्गतको तेक्वान्दो खेलमा कमल श्रेष्ठले स्वर्ण पदक हात पारेका थिए । पुम्सेको २३ देखि २९ वर्षको उमेर समूहको स्पर्धामा कमलले भारतका राहुल जैनलाई पराजित गर्दै नेपाललाई स्वर्ण पदक दिलाएका हुन् ।

कमलले ८.२७० अंक ल्याउँदै सागमा स्वर्ण जितेका थिए । उक्त स्पर्धामा कमलसँग पराजित भारतका राहुलले ८.२०० अंक ल्याएका थिए । सोही स्पर्धामा श्रीलङ्काका निसाशङ्कासे आसिङ्गेले कास्य पदक हात पारेका थिए । निसाशङ्कासेले ८.०६० अंक बटुल्दै तेस्रो भएका थिए ।

त्यसअघि, कृष्णबहादुर तामाङले तेक्वान्दोको १७ देखि २३ वर्ष उमेर समूहमा रजत पदक हात पारेका थिए । तामाङले श्रीलङ्काको रौनुका प्रभातसँग पराजित हुदैँ रजत पदकमा चित्त बुझाएका थिए ।

Related News

सम्बन्धित समाचार

hero news full width