पोखरा, २५ वैशाख । पोखरा फुस्रे खोलामा निर्माणाधीन पुलको काम लकडाउनमा पनि जारी छ । लकडाउनले सबै निर्माण कार्य ठप्प भइरहँदा पोखराको फुस्रे खोलामा निर्माणाधीन पुलको काम भने निर्बाध रुपमा निर्माण भइरहेको हो । पुलको विहीबार ढलान गरिएको छ । पुलमा ढलान भएसँगै पुल निर्माणको काम करीब ७५ प्रतिशत सम्पन्न भएको पुल निर्माण कम्पनी गीता–सिम्रन जेभीले जनाएको छ ।
सम्झौता भए अनुरुप आगामी असार मसान्त भित्रै पुल निर्माण सम्पन्न हुने श्री गीता–सिम्रन जेभीका प्रोपाइटर बलबहादुर रानाले बताए ।लकडाउनको आधारभूत नियमहरु पालना गरेर पुल निर्माणको काम भइरहेको उनले जानकारी दिए ।२०७४ साल फागुन ७ गते शिलान्यास गरिएको सो पुल आगामी असार मशान्तसम्ममा निर्माण सम्पन्न गरिसक्नुपर्ने सम्झौतामा उल्लेख छ ।
गण्डकी प्रदेश सरकारको एकल लगानी २ करोड ९८ लाखमा निर्माण गरिन लागेको सो पुलको लम्बाई ३५ मिटर छ भने ८.४ मिटरको चौंडाई हुनेछ । जसमा दुबैतर्फ १.२ मिटरको फुटट्रयाक निर्माण हुने पूर्वाधार विकास कार्यालय गण्डकी प्रदेशका ई.सुमन गिरीले जानकारी दिए । उनले पुल निर्माणको काम सन्तोषजनक रुपमा भइरहेको बताए । गण्डकी प्रदेशको पहिलो शिलान्यास गरिएको यो पुल निर्माण सम्पन्न गर्नेपनि पहिलो हुने उनले बताए ।
यसैबीच, पुल निर्माणको विहीबार अवलोकन गर्दै गण्डकी प्रदेशका मुख्यमन्त्री पृथ्वी सुब्बा गुरुङले लकडाउन भन्दै अहिलेसम्म बसेपनि अब निर्माणको काम तीव्र रुपमा अघि बढ्ने बताए । गण्डकी प्रदेशका सांसद राजीव पहारीले काम शुरु भइसकेको योजनाको काम रोकिए बर्खामा बगाउने भएकाले लकडाउनमा पनि कामलाई तीव्रता दिइएको बताए ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१