पोखरा, ८ वैशाख । विश्व कोरोना भाइरसबाट आक्रान्त भइरहेका वेला क्वारेन्टाइनमा रहेरै भएपनि आज छन्द दिवस मनाइँदै छ ।पोखरेली स्रष्टा महाकाव्यकार माधव वियोगीद्वारा राष्ट्रव्यापी आन्दोलनका रूपमा सन्चालित “छन्द बचाऊँ अभियान (२०५३“ आरम्भ भएको दिन वैशाख ८ गतेलाई नेपाल सरकार,पन्चाङ्ग निर्णायक समितिले २०६७ सालमा छन्द दिवसको मान्यता दिएको थियो ।त्यसपछि छन्ददिवस मनाउने क्रम व्यापक बनेको हो । त्यस अघि वियोगीले आफ्नै प्रयत्नमा छन्ददिवस मनाउँदै आएका थिए ।
“छन्द बचाऊँ अभियान (२०५३“ का सन्चालक एवं महाकाव्यकार माधव वियोगीले प्रेस विज्ञप्तिमार्फत काव्यसंस्कृतिको रक्षा गर्न, छन्दलाई एकादेशको कथा हुन नदिन, गद्यलाई कविता मान्ने परम्पराको अन्त्य गर्न र शिष्ट एवं नैतिक तबरले कविता सिर्जना गर्नका निम्ति सबैलाई सचेत पार्न आफूले अभियान संचालन गरेको जनाएका छन्। अभियान अन्तर्गत रही आफूले ८ हजारभन्दा बढी जनालाई छन्द प्रशिक्षण दिएको तथा आफ्नो निवासलाई छन्द प्रशिक्षण केन्द्र बनाएको पनि उनले विज्ञप्तिमा उल्लेख गरेका छन् ।
आफ्नो एकल प्रयासबाट शुरू भएको आन्दोलन देशका कुनाकाप्चासम्म र अन्तर्राष्ट्रियतहसम्म पुगेकोमा आफू अझै उत्साहित भएको जनाउदै उनले काव्यसंकृतिको रक्षार्थ सचेत रहन सबैमा अपील गरेका छन् । कतिपय छन्दकै स्रष्टाहरूले आन्दोलनलाई कमजोर पार्न आफूले त्यसैको प्रेरणाबाट गरेका छान्दिक गतिविधिलाई नै बढाई चढाई गर्न थालेको प्रति आफ्नो ध्यानाकर्षण भएको र निकट भविष्यमा छन्द बचाऊँ अभियान (२०५३“ का हालसम्मका गतिविधि प्रकाशित गर्ने पनि उनले जनाएका छन् ।
उनले विज्ञप्तिमा भनेका छन् (“ हाल विश्वमा कोरोना भाइरस फैलिएको छ । यसबाट लाखौं आक्रान्त भएका छन् भने लाखौको संङ्ख्यामा मानिसको देहान्त भएको छ । नेपाल पनि यसबाट अछुतो छैन । यस सन्दर्भमा सचेत रही सरकारी कार्यक्रमलाई साथ दिन म हार्दिक आग्रह गर्दछु ।“उनले सबैमा क्वारेन्टाइनमै रहेर भए पनि यो दुखद घडीमा सिर्जनात्मक कार्य गरी छन्ददिवस मनाउन अपील गर्दै छन्दमय जीवनका लागि शुभकामना पनि दिएका छन् ।
Related News
सम्बन्धित समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
hero news full width
मुख्य समाचार
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१