१. केही दिन पहिले उत्तरी भेगमा परेको हिमपात र अन्य क्षेत्रमा भएको झरी बादलले जनजीवन केही कष्टकर बनाएको थियो भने अहिले मौसममा परिवर्तन आएको छ। हिमपात र झरी बादल रोकिएको छ। मौसम सफा र स्वच्छ देखिएको छ। हिमालय खुलेको छ, वातावरण न्यानो र रमाइलो भएको छ। मानौं रमाइलो मौसमको आगमन भएको छ।
२. एकातिर यो रमाइलो मौसमले पर्यटकहरूलाई लोभ्याएको छ भने अकोर्तिर यसले कृषि बालीमा राम्रो प्रभाव पारेको छ। कृषकहरू कृषि बाली फष्टाउने छ भनी खुसी भएका छन्। नेपालको अर्थतन्त्र कृषिमा निर्भर छ। कृषि उत्पादन राम्रो भएमा अर्थतन्त्र राम्रो हुन्छ। यस पटकको हिमपातले कृषि बाली राम्रो हुने संकेत दिएको छ।
३. त्यसो त माघ, फागुन र चैत महिना त्यसै पनि राम्रो महिना मानिन्छन्। यी महिनामा न धेरै जाडो हुन्छ न कि गर्मीको सकस नै हुन्छ। मौसम न्यानो, वातावरण राम्रो र उत्साहप्रद रहन्छ। जे खाए पनि पच्ने र जहाँ गए पनि हुने अनुकूलको वातावरण हुने भएकाले यो मौसममा पर्यटकको संख्या पनि बढेर जान्छ।
४. प्राकृतिक वातावरणको साथ नेपालको राजनीतिक वातावरण पनि स्वच्छ र सफा हुँदै गएको छ। संविधानसभाको चुनाव बिनाबिध्न-बाधा सम्पन्न भएको छ। निर्वाचित जनप्रनिनिधि एउटा उत्साहपूर्ण वातावरणमा संविधानसभामा जाँदैछन्। उनीहरूले नयाँ पदभारको शपथ ग्रहण गर्दैछन्।
५. त्यसको साथै नयाँ सरकारको आगमन हुने भएको छ। नयाँ उत्साह साथ आउने सरकार निश्चय नै देश र जनताप्रति उत्तरदायी हुनेछ र एक वर्षभित्र संविधान निर्माण गर्ने कामका लागि अनुकूल वातावरण निर्माण गर्ने छ। नेपाली जनताको एक वर्षभित्र संविधान निर्माण गर्ने चाहना पूरा हुनेछ भनी अपेक्षा गरिएको छ।
६. राजनीतिक पार्टीरूभित्र भने हिजो-अस्ति प्राकृतिक वातावरणमा भएजस्तै हिमपात भएको छ। झरी बादल भएजस्तै भएको छ, नेताहरूबीच पार्टीभत्र नै चिसो वातावरण भित्रिएको छ। उनीहरूबीच कतै प्रधानमन्त्रीका लागि छिनाझपटी चलिरहेछ भने कतै एक नेताले अकोर्लाई दोष दिएर आफू हिलोमाथिको ओभानो बन्ने प्रयास गर्दैछन्।
७. त्यो जे भए पनि एक दुर्इ दिनमा त्यो वातावरण पनि सङ्लो र स्वच्छ भएर जानेछ, जसरी प्राकृतिक वातावरण भएको छ। प्रकृतिमा हिमपात र झरी बादल केही दिनका लागि हुन्छ। त्यसपछि त्यसले राम्रो वातावरण दिन्छ। त्यस्तै राजनीतिमा आएको कालोबादल पनि केही समयपछि हटेर जानेछ र देशलाई एउटा स्निग्ध दिशानिर्देश गर्नेछ। जसबाट नेपाल र नेपालीको भाग्य सुनिश्चित र उज्ज्वल हुनेछ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१