पोखरा । कोरोना संक्रमण देखिएपछि उपचार गराईरहेकी बागलुङकी ६५ बर्षिया बृद्धाको तेश्रो रिपोर्ट नेगेटिभ आएको छ ।

बुधबार लिईएको स्वाब परीक्षण गर्दा कोरोना नेगेटिभ देखिएको हो । उनी चैत १९ गतेदेखि उपचाररत छिन् । ‘वहाँको रिपोर्ट नेगेटिभ आएको छ। पुनः अर्को टेष्टमा पनि नेगेटिभ आयो भने वहाँको पक्का नेगेटिभ हुनेछ,’ गण्डकी प्रदेशका स्वास्थ्य निर्देशक डा. विनोदविन्दु शर्माले भने, ‘भोलि नै अर्को टेष्ट हुन्छ ।’

दोश्रो पटक पनि नेगेटिभ आयो भने थप एक साता अस्पतालमा राखेर डिस्चार्ज गरिने शर्माले बताए । सोही अस्पतालमा उपचाररत १९ बर्षिया किशोरीको भने पुनः पोजिटिभ आएको छ । उनको चौथो पटक टेष्ट गरिएको हो । दुवैजनाको परीक्षण पोखरा स्थित पश्चिमाञ्चल क्षेत्रीय अस्पतालको प्रयोगशालामा गरिएको थियो । उनीहरु दुवैजना चैत ४ गते कतार एयरवेज मार्फत बेल्जियमबाट नेपाल आएका थिए ।