प्रकाश ढकाल -पोखरा । पोखरामा ब्रोइलर कुखुराको मासुको मूल्य हालसम्मकै सबैभन्दा उच्च विन्दुमा पुगेको छ । गत सातादेखि मासुको भाउ आकासिएको हो ।
प्रतिकेजी स्पेशल मासुको मूल्य ४ सय ६० पुगेको पोल्ट्री व्यवसायी संघ कास्की अध्यक्ष गुरु पौडेलले जानकारी दिए । ह्याचारी उत्पादकको हड्ताल असर अहिले देखिएको छ । ‘सरसर्ती हेर्दा सबैभन्दा उच्च नै हो । ह्याचरीवालाले चल्ला नै उत्पादन गरेनन् । माग र आपूर्ति हेर्दा यो मूल्य सामान्य हो,’ उनले भने, ‘अझै केही महिना यही मूल्य कायम रहन्छ ।’ पोखरामा फ्रेस मासु नै सकिएको उनको भनाइ छ । अहिले स्पेसलको ४ सय ६० र होल चिकेन ४ सय ३० रुपैयाँँमा बिक्री भैरहेको छ ।
‘पोखरामा फ्रेस कुखुराको मासु नै छैन । फ्रोेजन मासु बेचिरहनुभएको छ, व्यवसायीहरुले । त्यही मासु पनि सकियो,’ उनले भने, ‘मासु नपाएपछि ६० प्रतिशत फ्रेस हाउसहरु बन्द भएका छन् । यो समस्या पनि अझै १ सातासम्म रहन्छ ।’ कास्की जिल्लाभरी १ हजार ५ सय भन्दा बढी फ्रेस हाउस सञ्चालनमा छन् भने ५ हजारभन्दा बढी कुखुरापालक किसान छन् । बैशाखसम्म यही मूल्य कायम रहने पौडेलले जानकारी दिए । पोल्ट्री व्यवसायी संघले नै मासुको मूल्य कायम गर्छ ।
‘जिउँदो कुखुराको मूल्यका आधारमा यो मूल्य खासै महँगो होइन तर केही कम मूल्यमा मासु खाइरहनुभएको ग्राहकलाई बढेपछि चासो लाग्नु स्वभाविक हो,’ उनी भन्छन्, ‘आयातमा भएको मन्दीका कारण मूल्य बढेको हो । बाहिरबाट कास्कीमा कुखुरा भित्रिएकै छैन ।’ उनका अनुसार पोखरामा अहिले जिउँदो कुखुराको मूल्य २ सय ८० रुपैयाँँ प्रतिकेजी पुगेको छ । पोखरामा मात्रै दैनिक ५० हजार केजी हाराहारीमा कुखुराको मासु बिक्री हुन्छ । अफ सिजनमा पनि ३० देखि ३५ हजार किलोसम्म बिक्री हुने पौैडेलको भनाइ छ ।
मासु व्यवसायी संघ कास्की अध्यक्ष गोविन्दप्रसाद तिवारी पनि ह्याचरी उत्पादकको आन्दोलनका कारण मूल्य बढेको बताउँछन् । ‘जहिले पनि यो बेला उत्पादन कम हुन्छ । चल्ला मर्छ । विभिन्न रोग पनि यही बेला लाग्छ । किसानले हुर्काउन सक्दैनन्,’ उनी भन्छन्, ‘जाडोमा मूल्य यसै पनि बढी हुन्छ । तर अहिलेको प्रमुख कारण ह्याचरीवालाले चल्ला मारेर समस्या आएको हो । वहाँहरुले १८ दिनसम्म चल्ला गाड्नुभयो । नेपालभरी चल्ला दिनुभएन । हामी त्यसकै मारमा परेका हौं ।’ उत्पादन कम भएपछि कलिलो कुखुरा उठाएर बेच्न थालेको उनले सुनाए ।
यसअघि २०७२ सालमा कुखुराको मासुको मूल्य ४ सय ४० रुपैयाँँ पुगेको थियो । बजारको मागअनुसार कुखुरा नपाएपछि पसल बन्द हुन थालेका हुन् । पोखरा कुखुराको मासुमा आत्मनिर्भर छ । यद्यपि सिजनका बेला र पर्यटक धेरै आउँदा २५ प्रतिशत कुखुरा बाहिरबाट आयात गर्नुपर्छ । यहाँ खासगरी चितवन, बुटवल लगायतका ठाउँबाट कुखुरा भित्रिन्छ । ‘कहिले यताको कुखुरा बाहिर जान्छ । कहिले आयात गर्नुपर्छ,’ पशुपक्षी तथा मत्स्य विकास निर्देशनालय पोखराका पशु चिकित्सक सुरेशकुमार श्रेष्ठ भन्छन्, ‘ह्याचरी उत्पादक किसानको आन्दोलनका कारण किसानका खोर अहिले रित्तो छन् । त्यसको असर बजारमा देखिएको हो ।’
दैनिक ३ हजारभन्दा बढी कुखुरा सप्लाई गर्ने भट्टराई पोल्ट्री फर्मले अहिले मुश्किलले ८ सय कुखुरा पठाउँछ । महँगो भएका कारण माग नै घटेको फर्मका सञ्चालक डा अशेष भट्टराईले बताए । ‘खपत नै छैन । महँगो भएपछि ग्राहकले मासु किन्नै छोडिसके,’ उनले भने, ‘किसानले पनि कुखुरा उत्पादन गरेका छैनन् । कोल्ड स्टोरमा राखिएका कुखुरा निकालेका छौं । अझै दुई सातासम्म समस्या यस्तै रहन्छ ।’ जाडो मौसममा धेरै कुखुरा मर्ने भएका कारण पनि माग अनुसार उत्पादन कम हुने उनको भनाइ छ । पोखरा सहित नेपालभरी नै माग अनुसार कुखुरा नहुँदा मूल्य बढेको छ ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
hero news full width
मुख्य समाचार
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१