पोखरा । पोखरा महानगरपालिकाको सहयोगमा वडा १३, काहुँखोलामा विहीवारदेखि किसान बजार संचालनमा आएको छ । किसानले उत्पादन गरेको तरकारीलाई सिधैँ उपभोक्तासम्म सूपथ मुल्यमा पु¥याउने उद्देश्यले किसान बजार संचालनमा ल्याइएको हो ।
महानगरपालिकाको ५ लाख र वडा कार्यालयको २ लाख गरी ७ लाख रुपैयाँ लागतमा बजार संचालनका लागि भवन निर्माण गरिएको छ । सो भवनमा अहिले वडाका १० जना किसानले दैनिक आफ्नो खेतवारीमा उत्पादित तरकारीलाई त्यही बजारमा ल्याएर बेच्दै आएका छन् । वडा १३ र सो क्षेत्र आसपासका किसानको उत्पादनलाई बजारीकरण गर्न यसले सघाउने विश्वास लिइएको छ । रसायनिक मल र विषादी प्रयोग गरेको तरकारी प्रयोग गर्दा मानव स्वास्थ्यमा नै प्रतिकूल असर पारिरहेको अवस्थामा वडा कार्यालयले अर्गानिक तरकारीलाई मात्र उक्त बजारमा बिक्री गर्ने गरी बजार संचालनमा ल्याएपछि उपभोक्तासमेत खुसी छन् । किसानले उत्पादन गरेको तरकारी बिचौलियासमक्ष नपुग्ने र महँगो समेत नपर्ने हुँदा ग्राहकको आकर्षण बढ्ने देखिन्छ ।
किसान बजार उद्घाटन गर्दै गण्डकी प्रदेशसभा सदस्य गायत्री गुरुङले समृद्ध नेपाल निर्माणका लागि कृषिमा आत्मनिर्भर हुनुपर्ने बताइन् । वडाध्यक्ष दर्शन लामाले वडा १३ लाई अर्गानिक वस्तु उत्पादनको पकेट क्षेत्र बनाएर बिचौलिया नरहने गरी सबैले सुपथ मूल्यम ताजा अर्गानीक तरकारी उपलव्ध गराउने बताए । कृषिविज्ञ मनोहर कडरियाले उपभोक्ता आउँदा सबैखाले वस्तु सहजै पाउन सक्ने गरी व्यवस्थित कृषि उत्पादनमा जोड दिन आग्रह गरे ।
Related News
सम्बन्धित समाचार
एमाले मुस्ताङको अध्यक्षमा दीपक लालचन
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
hero news full width
मुख्य समाचार
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१