पोखरा, २८ मंसिर । पोखरा महानगर पालिकाका प्रमुख मानबहादुर जिसीले नगरभित्र रहेका निजी विद्यालयको लगानी ग्यारेन्टी गर्ने बताएका छन् ।

राष्ट्रिय निजी तथा आवासीय विद्यालय एशोसिएसन नेपाल, कास्कीले आयोजना गरेको तेस्रो बृहत् शैक्षिक प्रदर्शनीको अवलोकन गर्दै उनले भने – केन्द्र र प्रदेश सरकारले के गर्छ त्यो मैले बोल्ने विषय होइन, महानगर एउटा सरकार हो, शैक्षिक क्षेत्रमा गरेको लगानी ग्यारेन्टी गर्न तयार छु ।

प्रमुख जिसीले भर्खर नयाँ शिक्षा ऐन आएकोले महानगर र निजी विद्यालय वसेर ऐन कानुन वनाउन महानगर तयार रहेको स्पष्ट पारे । नयाँ शिक्षा ऐन निजी विद्यालयको विषयमा मौन रहेको भन्दै महानगर र निजी विद्यालय वसेर यहाँको शिक्षा कस्तो वनाउने हो त्यही अनुरुप ऐन कानून वनाउने उनले आश्वासन दिएका छन् । शैक्षिक प्रदर्शनीले बालबालिकाको अन्तरनिहीत प्रतिभा प्रस्फुटन गर्न टेवा पु¥याएको भनाई राखेका थिए ।

एन प्याव्सानका केन्द्रीय वरिष्ठ उपाध्यक्ष ज्ञानेन्द्रमोहन भट्टराईले एन प्याव्सान कास्की देशभरका शाखामा उत्कृष्ट कार्य गर्ने शाखाको रुपमा रहेको दावि गरे । यसैगरी प्याव्सन कास्कीका अध्यक्ष प्रेमप्रसाद शर्मा सुवेदीले प्रदर्शनी सवै विद्यार्थीलाई सिकाई बनेको बताए ।