पुतलीबजार नगरपालिका–४ स्थित नागडाँडा चोकमा अन्धाअन्धी श्रवणकुमार शालिकस्थलको आइतवार शिलान्यास गरिएको छ।
गण्डकी प्रदेश सदस्य मीनप्रसाद गुरुङले शिलान्यास गर्दै गण्डकी प्रदेश पर्यटकीय हव भएको र स्याङ्जाका १ सय १० वटा पर्यटकीय गन्तब्य मध्ये अन्धाअन्धी दहलाई पहिलो प्राथमिकतामा राखेको बताए।
आँधीखोला र श्रवणकुमार स्याङ्जाको पहिचान भएको बताउँदै धार्मिक पर्यटनलाई मुक्तिनाथसम्म जोड्ने प्रतिवद्धता जनाए।
सिद्धार्थ राजमार्गहुँदै लुम्बिनी र मुक्तिनाथ जाने हजारौं भारतीय पर्यटक मध्ये केहीलाई पाँच/दश प्रतिशतलाई मात्र श्रवणकुमार समाधीस्थलसम्म लान सकेमात्र पनि धेरै उपलब्धि हासिल हुने उनको भनाइ छ।
आँधीखोला गाउँपालिकाको प्रवेशद्वार पुतलीबजार–४, नागडाडाँमा पुतलीबजारसँगको सहकार्यमा शालिक राखिने भएको हो।
श्रवणकुमारले आफ्ना दुवै आँखा नदेख्ने आमाबुबालाई बोकेर हिडेको प्रतिकात्मक शालिक राखिने छ।
मुक्तिनाथ दर्शनका लागि दुवै बाबुआमालाई खर्पनमा बोकेर हिडेका बेला तिर्खा लागेपछि श्रवणकुमारले आफ्ना दृष्टिविहीन बाबुआमालाई चिलाउनेबासस्थित अन्धाअन्धी क्षेत्रमा राखेर वाङसिङ्को ध्याङ्साङ्दीको मुहानमा पानी लिन जाँदा दशरथको बाण लागेर मृत्यु भएको हो। सोही मुहान आँधीखोलाको उद्गमस्थल हो।
कार्यक्रममा जिल्ला समन्वय समिति प्रमुख सीता सुन्दास, पुतलीबजार नगरप्रमुख सीमा क्षेत्री, अाँधीखोला गाउँपालिका अध्यक्ष सुधीरकुमार पौडेल, नेकपाका प्रतिनिधि शोभाखर ढकाल, काँग्रेस आँधीखोला गाउँपालिका प्रतिनिधि थमन बोगटी, पर्यटन विकास समितिका पूर्व उपाध्यक्ष अनन्तकुमार श्रेष्ठ, पत्रकार महासंघका अध्यक्ष ओमप्रकाश शर्मा लगायतले आँधीखोला गाउँपालिकासहित समग्र स्याङ्जाको विकासका लागि सहकार्य गर्दै अघि बढ्ने प्रतिबद्धता जनाए। पुतलीबजार–४ का अध्यक्ष ओमबहादुर खड्काको अध्यक्षतामा सम्पन्न कार्यक्रममा आँधीखोला गाउँपालिका–५ का अध्यक्ष कृष्णप्रसाद पनेरुले स्वागत र स्थानीयवासी ख्याम पौडेलले संचालन गरेका थिए।
नागडाँडाचोकमा झण्डै १० फिट उचाइ र दायाँबायाँ गरी ८ फिट चौडाइमा फेलने गरी श्रवणकुमारले खर्पनमा आफ्ना दृष्टिविहीन आमाबुवा बोकेर हिडेको प्रतिकात्मक शालिक निर्माण गरिने भएको हो। भारतमा निर्मित सो शालिक कपर फाइवरबाट बनेको छ। करिब १५ लाखको लागतमा शालिक स्थापना गर्ने गरी निर्माण कार्य गरिने बताइएको छ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१