व्यावसायीको सुरक्षामा प्रहरीको ध्यान

Avatar आदर्श समाज सम्वाददाता
जेठ २४, २०७६

पोखरा चेम्बर अफ कमर्स कास्कीले जिल्ला प्रहरी कार्यालय प्रमुख प्रहरी उपरीक्षक दानबहादुर कार्कीको सम्मानमा स्वागत कार्यक्रम गरेको छ। कार्यक्रममा प्रहरी उपरीक्षक कार्कीले उद्योगी व्यवसायीलाई शान्तिसुरक्षाको प्रत्याभूति दिलाउने बताए।

उनले व्यावसायिक वातावरण सिर्जना गर्न चेम्बर अफ कमर्ससँग सहकार्य गर्ने धारणा राखे। व्यावसायीहरुमा ठगी, चेक नसाटिने र चन्दाको आतंक बढेको संकेत गर्दै उनले चन्दा आतंक रोक्न प्रहरी कडाइसाथ प्रस्तुत हुने बताए। पोखरा चेम्बर अफ कमर्स पोखराका अध्यक्ष किसान सुनारले निजी क्षेत्रको सही प्रतिनिधित्व गर्दै उद्योगी र व्यवसायीहरुको भावना र चाहनाअनुसार काम गर्ने बताए।

उनले नेपालको आर्थिक, औद्योगिक तथा वाणिज्य क्षेत्रको विकासको लागि सरकारलाई व्यवहारिक सुझाव दिएको जानकारी दिए। सवल नभएसम्म देशको आर्थिक समृद्धि हुन नसक्ने धारणा राखे।

चेम्बर अफ कमर्स कास्की वस्तुगततर्फका उपाध्यक्ष यमनाथ पौडेलले उद्योगपति तथा व्यापारीको हकहितको संरक्षण गर्दै मुलुकको आर्थिक विकासमा लाग्न पर्ने बताए। कार्यक्रममा निर्माण व्यवसायी, जुत्ता व्यवसायी यातायात व्यवसायी, फेन्सी तथा रेडिमेट व्यवसायी लगायत वस्तुगत संघका प्रतिनिधिले नेपाल प्रहरीसमक्ष समस्या राखेका थिए।

तपाइको विचार व्यक्त गर्नुहोस्

हाम्रो सुझाव

हातेमालो नागढुंगा आमा समूहको शिविर

फोहोर छुट्याउने बाल्टिन वितरण

ट्रेड मलमा दशैँ तिहार उत्सव

नेपाल मालिका परोपकारको अध्यक्षमा पुन

सिँचाई प्रणालीको साधारणसभा

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार