Worldlink ads

प्रथम गुरु स्मृति महोत्सवमा कवि सम्मेलन

आदर्श समाज सम्वाददाता
श्रावण २०, २०७५

पोखरा, १९ साउन।महेश सन्यास आश्रम तथा महेश संस्कृत गुरुकुल देवघाट धामको रजत वर्ष महोत्सव-२०७५ तथा प्रथम गुरु स्मृति महोत्सवको अवसरमा कवि सम्मेलन भएको छ।

पोखरा-१९ पुरुन्चौर काउरेस्थित अम्बरेश्वर सन्यास आश्रममा शनिवार आयोजित उक्त सम्मेलनमा ब्रह्मलीन गुरु डा. रामानन्द गिरीको स्मरण गर्दै १६ जना कविले आफ्नो रचना वाचन गरे।

सम्मेलनमा डा. जगन्नाथ रेग्मी, रुद्रबहादुर थापा, शाल्रि्राम आचार्य, माधव वियोगी, सूर्य खड्का बिखर्ची, नारायण बास्तोला, बासुदेव अधिकारी, टेकनाथ पोखरेलले कविता प्रस्तुत गरेका थिए।

यसैगरी सीतादेवी आचार्य, मनिष गौतम, गीता सुनार, भुवानीप्रसाद बराल, विष्णुप्रसाद बास्तोला, आवाज शर्मा, प्रकाश पौडेल, श्रवण पौडेलले रचना वाचन गरेका थिए।

सम्मेलनलाई सम्बोधन गर्दै प्रमुख अतिथि गण्डकी प्रदेशका प्रमुख बाबुराम कुँवरले आध्यात्मिक ज्ञानले मानिसलाई सत्मार्गतिर डोर्याउने बताए। साथै आध्यात्मिक ज्ञानका अभावले राज्यका अंगले पनि राम्रो काम गर्न नसक्ने उल्लेख गर्दै उनले भने- सांसारिक लोभलालच नराख्नेले मात्र जनतालाई न्याय दिन सक्दछ।

उनले संस्कृत भाषा वैज्ञानिक भाषा भएको उल्लेख गर्दै विश्वमा संस्कृत भाषाका विद्वान्हरुले गर्व गर्ने दिन छिट्टै आउने बताए।

जिल्ला न्यायाधीश रमानाथ पौडेलले मानिसले आफ्नो आचरण शुद्ध राख्नुपर्नेमा जोड दिए।

कार्यक्रममा अध्यक्षको आशनबाट बोल्दै आश्रमका पीठाधीश रमणानन्द गिरीले ब्रहमलीन गुरु डा. रामानन्द गिरी टाढा नजानुभएको र हाम्रै हृदयमा बिराजमान भै आशीवाद प्रदान गरी रहनु भएको बताए। साथै उनले माघमा देवघाटधाम विराट ज्ञान महायज्ञ गर्ने तयारी भइरहेको पनि जानकारी दिए।

त्यस अवसरमा समाजसेवी गोविन्दबहादुर केसीले आश्रमलाई एक लाख ५५ हजार रुपैयाँ प्रदान गरेका थिए।

कार्यक्रममा केदारेश्वर महादेवमणि सेवाश्रम समिति बैदामका पीठाधीश डा. लेखनाथ आचार्य, पोखरा-१९ का वडाध्यक्ष शोभामोहन पौडेल, नारायणस्थान धार्मिक क्षेत्र विकास समितिका अध्यक्ष महेश पराजुलीलगायतले मन्तव्य राखेका थिए। अमरेश्वर सन्यास आश्रमका सदस्य सचिव नारायण अधिकारीको स्वागत मन्तव्य तथा स्वामी गोकुलानन्दको धन्यवाद ज्ञापन रहेको सो कार्यक्रमको सञ्चालन महेश संस्कृत गुरुकुलका अध्यापक पर्वतराज घिमिरेले गरेका थिए।

Related News

सम्बन्धित समाचार

    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • एलबीका कवितामा रमे कविता पारखी

      आदर्श समाज सम्वाददाता पौष ११, २०७८
      पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद,…
    • समता काव्य सन्ध्याको ३४३ औं शृंखला

      आदर्श समाज सम्वाददाता पौष ५, २०७८
      पोखरा । कविताको अघोषित पाठशालाका रूपमा परिचित पोखरेली युवा सांस्कृतिक परिवारले सञ्चालन गर्दै आएको समता काव्य सन्ध्याको ३ सय ४३…

    hero news full width