पोखरा । सन् १९९७ देखि रामसार महासन्धिमा हस्ताक्षर गरिएको दिन २ फेब्रुअरी स्मरण गर्दै पोखरामा विश्व सिमसार दिवस मनाइएको छ ।
सिमसारको महत्व र मूल्यबारे जनचेतना अभिवृद्धि गर्ने लक्ष्यसहित मनाउन सुरु गरिएको यो दिवस सन् २०२४ को नारा ‘सिमसारः मानव हितको आधार’ नाराका साथ पोखरा ३०, मैदीताल परिसरमा मनाइएको हो ।
कार्यक्रममा गण्डकी प्रदेश वन तथा वातावरण मन्त्रालयका सचिव डा. रामचन्द्र कण्डेलले सिमसारक्षेत्रमा हुने प्रदुषण रोक्नुपर्ने, सिमसारको संरक्षण, दिगो व्यवस्थापन र स्थानीय रूपमा सिमसार पुनस्र्थापना गर्ने विषयमा जोड दिए ।
गण्डकी प्रदेश सरकार ताल संरक्षण तथा विकास प्राधिकरण पोखराको आयोजनामा भएको कार्यक्रमा स्वागत गर्दै मैदीताल मत्स्य तथा कृषि पर्यटन सहकारीका अध्यक्ष भरतप्रसाद तिवारीले सिमसार र मानिस जीवन अन्तर सम्बन्धित भएका उल्लेख गर्दै सिमसार क्षेत्र हाम्रो कल्याणको केन्द्रबिन्दु भएकामा जोड दिए ।
मैदीताल संरक्षण तथा विकास समाजका अध्यक्ष भरतराज न्यौपानेको अध्यक्षतामा भएको कार्यक्रममा पोखरा ३० का जनप्रतिनिधि विनोदप्रसाद लामिछाने, महाशाखा प्रमुख घनेन्द्रबहादुर खनाल, कार्यक्रम अधिकृत कमल लम्साल, ताल संरक्षण समितितर्फबाट गुँदेताल संरक्षण समितिका सूर्यप्रसाद भण्डारी, फोकोफनका विश्वराज लामिछाने लगायतले वन क्षेत्रका समस्याका साथै सिमसारबाट मानिसले धेरै फाइदा पाउँदा पनि हरेक दिन सिमसारमा मानिसले क्षति पु¥याइरहेको, सिमसार क्षेत्रहरू दिगो कृषि अभ्यासद्वारा नष्ट भइरहेका, ढल निकास र इन्फिलिंगको माध्यमबाट सिमसार जग्गा क्षति भएका, सिमसार क्षेत्रहरू मानव गतिविधिद्वारा प्रदूषित भएका, जलवायु परिवर्तन र बसोबासको वर्तमान प्रवृत्तिले संरक्षणको लागि ठूलो खतरा निम्त्याएका जस्ता कुराहरु औंल्याएका थिए ।
सिमसारको संरक्षण, व्यवस्थापन र पुनर्स्थापनामा जोड दिदै पोखरा ३० का जनप्रतिनिधि, वडाध्यक्ष दुर्गा सुवेदी, पोखरा २९ की जनप्रतिनिधि सुमाया सुनार, स्थानीय संघसंस्थाका प्रतिनिधिको सहभागितामा ताल परिसर सरसफाइ समेत गरिएको थियो ।
रामसार सूचीमा नेपालका कोशीटप्पु वन्यजन्तु आरक्ष, घोडाघोडी ताल, जगदीशपुर जलासय, बिससहजारी, ताल समूह, राराताल, शे–फुक्सुन्डो ताल, गोसाइकुण्ड ताल समूह, गोक्यो ताल समूह, माइपोखरी र पोखराका ९ वटा ताल समूह गरी जम्मा १० वटा सिमसार सूचीकृत भएका छन् भने यी सिमसार क्षेत्रले ओगटेको कूल क्षेत्रफल ३० हजार ५ सय ६१ हेक्टर राहेको छ । पोखराका तालहरु अन्तर्गत फेवाताल लगायत अन्य ८ ताल बेगनास, रुपा, मैदी, दिपाड, खास्टे, कमलपोखरी, न्यूरेनी र गुदे तालहरु पर्दछन् ।
अन्तराष्ट्रिय महत्वका सिमसार खासगरी पानी हाँसको बासस्थान संरक्षणबारे महासन्धिलाई चलन चल्तीमा रामसार महासन्धि भनिन्छ । २ फेब्रुअरी १९७१ मा इरानको रामसार भन्ने शहरमा सम्पन्न यस अन्तर्राष्ट्रिय महासन्धि सन् १९७५ देखि कार्यान्वयन हुन थालेको हो । हाल विश्वका १ सय ७२ देश यसमा आवद्ध छन् ।
Related News
सम्बन्धित समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
बुटवल पावर कम्पनीले ल्यायो विद्युत् महसुल बढाउने प्रस्ताव
hero news full width
मुख्य समाचार
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१