पोखरा । अनाथ र सहाराविहीन बालबालिकालाई आश्रय दिने उद्देश्यले स्थापित नेपाल बाल संगठन कास्की आफैं आश्रयविहीन छ । पोखरा–३, नदीपुरस्थित बालमन्दिर मावि परिसरमा रहेको कार्यालय त्यहाँ नयाँ भवन बन्ने भएपछि बाहिरिएर झोलामा सीमित छ ।
संस्थाको नेतृत्व बामदेव ढुंगानाले सम्हालेका छन् । सरकारले उनलाई २०७९ सालमा संगठन चलाउने गरी नियुक्ति दिएर पठाएको हो । सरकारले नै तदर्थ समितिको जिम्मेवारी पाएपछि उनले नयाँ सदस्यता बाँडेर समितिलाई पूर्णरुप दिए । त्यसपछि कामकाज गर्न कार्यालय सञ्चालनका लागि भवन माग गर्न पुग्यो ।
अध्यक्ष ढुंगानाका अनुसार तत्कालीन ‘बालमन्दिर’ नै अहिले ‘बालमन्दिर मावि’ नामले सञ्चालन भएको हो । ‘मैले विधान अनुसार नै समिति बनाएर अधिवेशन गरी आधिकारिक सभापति बनेँ । त्यसपछि विद्यालयसँग हामी संस्थापक हौं भनेर भनेपछि एउटा कोठा दिनुभयो । महानगरको अनुदानले फर्निचर खरिद गरेर कार्यालय बनाएँ,’ उनी भन्छन्, ‘२०८० साउनतिर फेरि विद्यालयले विद्यार्थी बढाउन कोठा पुगेन हामी नयाँ भवन बनाएपछि दिउँला भन्यो । हामीले ठाउँ छोड्यौं । अहिलेसम्म नयाँ भवन बनेको छैन । झोलाबाट अफिस चलाउन बाध्य छौं ।’
पहिलेको बालमन्दिर अहिले विद्यालय बनेपछि जग्गा सबै विद्यालयको नाममा गएकाले आफूहरुलाई समस्या भएको उनले सुनाए । पहिलो विद्यालय व्यवस्थापन समितिमा संस्थागततर्फबाट सदस्य समेत नराखिएको उनको गुनासो छ । अनाथ र सहाराविहीन बालबालिकालाई शिक्षा दिने बालमन्दिरको मर्मविपरीत आर्थिकरुपले सम्पन्न अभिभावकका विद्यार्थी पढाउने गरिएको उनले आरोप लगाए ।
पहिलेको बालमन्दिर अहिले विद्यालय बनेपछि जग्गा सबै विद्यालयको नाममा गएको
झोलाकै अफिसबाट भए पनि अनाथ र सहाराविहीन बालबालिकाको लागि कार्यक्रम गरिरहेको संगठन उपाध्यक्ष रामहरि ढुंगाना बताउँछन् । बालमन्दिरले मर्म अनुसारको काम नगर्दा आफूहरुले सिविनसँग सहकार्य गरेर काम गर्नुपरेको बाध्यता उनले सुनाए । संस्थाले गत वर्ष अनाथ र सहाराविहीन बालबालिकाको उद्धार गरेको उनको भनाइ थियो । उनले जनचेतनाका लागि धेरै कार्यक्रम गरिरहेको बताए ।
आइतबार ‘संगठनले बाल संरक्षणमा सञ्चारमाध्यमको भूमिका’ विषयक अन्तरक्रियामा पत्रकार सुमन ढुंगाना र सुरेश रानाभाटले बालमन्दिर बाल संरक्षणका विषयमा कार्यपत्र प्रस्तुत गरे । पत्रकार ढुंगानाले नदीपुरमा संगठनले बालमन्दिर सञ्चालन गरे पनि त्यहाँ रहेको जग्गा विद्यालयको नाममा गरिएको बताए । ७ कित्तामा रहेको १६ रोपनीभन्दा बढी जग्गा २०७१ सालमा बालमन्दिर माविको नाममा दर्ता गरिएको उनको कार्यपत्रमा छ । बालमन्दिर माविले बाल संगठन चलाउने कि संगठनले विद्यालयले चलाउने ? भन्ने सवाल गहन र जटिल रहेको उनले बताए ।
कार्यक्रममा पोखरा २५ का वडाध्यक्ष एवं पोखरा महानगर प्रवक्ता मोतीराज तिम्सिनाले बालबालिकाको हितका लागि विभिन्न कार्यक्रम गरिरहेको सुनाए । महानगरभित्रका सबै वडालाई बालमैत्री घोषणा गर्न न्यूनतम मापदण्डका विषयमा काम गरिरहेको उनले बताए । महानगरमा दर्ता भएको एजजिओ÷आइएनजिओले कस्तो काम गरिरहेको छ र बालगृहमा कस्तो खानासँगै व्यवहार गरिरहेको छ भन्ने विषयमा पनि महानगरले अनुगमन गरिरहेको उनले बताए ।
Related News
सम्बन्धित समाचार
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
सर्वोच्च अदालतमा अनलाइनबाटै मुद्दा दर्ता गर्न सकिने
राष्ट्रपतिबाट सरकारको नीति तथा कार्यक्रम प्रस्तुत
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मन्त्रीपरिषदबाट १६ औँ पञ्चवर्षीय योजना पारित
hero news full width
मुख्य समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१