पोखरा । विज्ञान शिक्षक समाज नेपाल, अन्नपूर्ण गाउँपालिकाको प्रथम अधिवेशनबाट कीर्तिराज ढकाल अध्यक्ष चयन भए । उपाध्यक्ष ध्रुवप्रसाद अधिकारी, सचिव रीता खनाल, सहसचिव भोलानाथ पौडेल, कोषाध्यक्ष शरद् सुवेदी छानिए । सदस्यहरु गौतम सुवेदी, रामबहादुर गुरुङ, क्रिस्टोफर भट्टराईछन् ।

कार्यक्रममा अन्नपूर्ण गाउँपालिका शिक्षा अधिकृत बलराम भुगाइँले विज्ञान शिक्षकहरूको पहलमा विद्यार्थीहरूलाई खोज, अनुसन्धान र नवप्रवर्तनमा लाग्न प्रेरित गर्नुपर्ने भन्दै कक्षाकोठामा बिताएको समय उपलब्धिमूलक भयो कि भएन भनेर हरेक शिक्षकले आत्ममूल्यांकन गर्नुपर्ने बताए ।

विज्ञान शिक्षक समाज नेपाल, कास्की जिल्ला समितिका सदस्य हरिप्रसाद भण्डारीले विज्ञानका शिक्षकहरू पाउनै मुस्किल भएको हालको अवस्थामा पेसामा आबद्ध भएका विज्ञान शिक्षकहरूले आफ्ना विद्यार्थीलाई विज्ञानप्रति चासो बढाउन थप प्रयास गर्न आग्रह गरे ।a