लमजुङ । तेस्रो राइनास कप फुटबल प्रतियोगिताको उपाधि तार्कुघाट युनेस्कोले जितेको छ ।
गौलीटार क्षेत्रीय खेलमैदान समितिद्वारा राइनास–६ स्थित गौलीटार क्षेत्रीय खेल मैदानमा सञ्चालित प्रतियोगिताको फाइनलमा वडा ७, रोयल फ्रेन्डसिप गरमबेसीलाई ट्राइबेकरमा ५–३ गोलअन्तरले पराजित गर्दै उपाधि जितेको हो । निर्धारित समयसम्म कुनै पनि टिमबाट गोल हुन नसकेपछि खेल ट्राइबेकरमा धकेलिएको आयोजक समिति अध्यक्ष किरण श्रेष्ठले बताए । विजेतोले ३ लाख, ट्रफी, मेडल र प्रमाणपत्र पुरस्कार पाएको छ । उपविजेता रोयल फ्रेनसिपले १ लाख ५० हजार नगदसहित ट्रफी, मेडल र प्रमाणपत्र पुरस्कार पाएको छ ।
सेमिफाइनलसम्म पुग्न सफल २ टिम चेपे आदर्श युवा क्लब र कालिका युवा क्लबलाई नगद ३०/३० हजार पुरस्कार दिइएको छ ।
विजयीलाई प्रदेश सभा सदस्य एवं नेपाली कांग्रेस जिल्ला अध्यक्ष डा. टकराज गुरुङ, जिल्ला समन्वय समिति लमजुङ प्रमुख पूर्णबहादुर गुरुङ, राइनास नगरपालिका प्रमुख खड्गबहादुर गुरुङ, उपप्रमुख पुष्पराज खनाल, आयोजक गौलीटार क्षेत्रीय खेल मैदान समिति अध्यक्ष किरण श्रेष्ठ लगायतले संयुक्तरुपमा पुरस्कार वितरण गरे । सर्वाधिक गोलकर्ताको पुरस्कार तार्कुघाट युनेस्को क्लबका सुमित श्रेष्ठ (८ गोल) ले पाएका छन् । श्रेष्ठलाई गोल्डेन बुट र ७ हजार ५ सय रुपैयाँ पुरस्कार प्रदान गरिएको छ ।
रोयल फ्रेनसीपका सन्तोष गुरुङले सर्वोत्कृष्ट खेलाडी र तार्कुघाट युनेस्कोका सन्तोष महतले उत्कृष्ट गोलरक्षकको उपाधि हात पार्न सफल भएको आयोजकको भनाइ छ । दुवैलाई जनही ७ हजार ५ सय र ट्रफी पुरस्कार प्रदान गरिएको छ ।
माघेसंक्रान्ति अवसरमा तेस्रो राइनास कपको तेस्रो संस्करण आयोजना गरेको हो । माघ १ देखि सुरु प्रतियोगितामा लमजुङ, तनहुँ र गोरखा लगायत जिल्लाका १६ टिमले भाग लिएका थिए । मुख्य प्रयोजक तथा सहयोगी राइनास नगरपालिका थियो ।
Related News
सम्बन्धित समाचार
यु–१४ फुटबल प्रशिक्षण
सहारा एकेडेमीमा यु–१४ फुटबल प्रशिक्षण
वागमतीलाई बहिरा महिला फुटबल उपाधि
आर्मी आहारारा गोल्डकपको नयाँ च्याम्पियन
आहा रारा पोखरा गोल्डकपकाे कस्ले जित्ला उपाधि ?
hero news full width
मुख्य समाचार
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१