पोखरा । पोखरा महानगरपालिका वडा नम्बर ३३ मा भजनकीर्तन तालिम सम्पन्न भएको छ । स्थानीय संस्कृतिको संरक्षण गर्ने उद्देश्यले वडा कार्यालयको आयोजनामा भजनकीर्तन तालिम आयोजना गरिएको वडाध्यक्ष रामचन्द्र अधिकारीले जानकारी दिए ।
पुरानो संस्कृतिका रूपमा रहेको भजन चुट्का लोप हुने अवस्था आएपछि संरक्षणका लागि तालिम प्रदान गरिएको उनले बताए । ‘गाउँ गाउँमा पहिले सामूहिक भजन गाउने संस्कृति थियो, खुसीयालीका अवसरमा समेत भजन गाउने प्रचलन थियो,’ वडाध्यक्ष अधिकारीले भने, ‘अहिले पुरानो पुस्ता कमजोर बन्दै गएपछि यो लोप हुने अवस्थामा पुग्यो, तसर्थ यसलाई पुस्ता हस्तान्तरण गर्ने र संरक्षणका लागि प्रोत्साहन गर्ने उद्देश्यले यस प्रकारको तालिम दिइएको हो ।’ वडा नं. ३३ का गाउँ गाउँहरूमा भजन संस्कृतिको विकास गरिने उनले बताए ।
साबिक लेखनाथ नगरपालिकाको वडा नं.१६, १७, १८ का विभिन्न स्थानहरूमा २०÷२० जनाको टोली बनाई प्रदान गरिएको तालिममा ६० जना सहभागी थिए । एक हप्ते भजनकीर्तन तालिममा सहभागीहरूलाई प्रशिक्षकहरू सन्तोष अधिकारी, रमादेवी गौतम र साकार अधिकारीले प्रशिक्षण प्रदान गरेका थिए ।
तालिममा सहभागीहरूलाई वडाध्यक्ष अधिकारीले प्रमाणपत्र प्रदान गरे । वडाध्यक्ष अधिकारीको अध्यक्षमा भएको कार्यक्रम सञ्चालन वडा सचिव युवराज पौडेलले गरेका थिए ।
Related News
सम्बन्धित समाचार
आयआर्जन र पर्यटन प्रवर्द्धनको माध्यम बन्दै महसिकार
सर्प संरक्षण सम्बन्धी सचेतनामूलक कार्यक्रम
अपांगता भएकालाई व्यावसायिक तालिम
बनेका धारा भत्किन थाले तर पानी आएन
फेवाबाट जलकुम्भी हटाउन अभियान सुरु
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१