पोखरा । चिल्ड्रेन नेपालको २७ औं वार्षिक साधारणसभा शुक्रबार पोखरामा भएको छ ।

संस्थाका अध्यक्ष शान्त पौडेलकोे अध्यक्षतामा भएको कार्यक्रममा संस्थाका कार्यकारी निर्देशक डिल्लीप्रसाद शर्माले संस्थाको दिगोपन र आत्मनिर्भरका लागि प्राप्त गरेका उपलब्धि र प्रयासहरुको बारेमा आफनो भनाइ राखेका थिए ।

संस्थाको स्थापनादेखि हालसम्म कठिन परिस्थितिमा रहेका हजारौं बालबालिका, युवा, महिला र तिनका परिवारहरुको निम्ति सामाजिक र मानवीय सेवा प्रदान गर्ने अवसर प्राप्त भएको उनले बताए ।

संस्थाले बालअधिकार प्रवद्र्धन, शान्ति, वातावरण संरक्षण, महिला सशक्तीकरण, दिगो विकास र सामाजिक परिवर्तनको क्षेत्रमा कार्यरत यस संस्थाले आफ्नो स्थापना २०५२ सालदेखि सडक, श्रमिक, दलित, अपांगता लगायत विभिन्न खाले जोखिममा परेका सिमान्तकृत समुदायका बालबालिका, युवा, महिला र तिनका परिवारलाई केन्द्रित गरी सामाजिक सेवाका विभिन्न गतिविधिहरू सञ्चालन गर्दै आइरहेको उनले बताए ।

संस्थामा यो उपलब्धि प्राप्त गर्नका लागि कार्यसमिति पदाधिकारी, साधारण सदस्य, कर्मचारीहरु, विभिन्न सहयोगी संघ संस्था सरोकार निकाय एबं शुभचिन्तकको साथ मिलेको र सबैको भूमिका उत्तिकै महत्वपूर्ण रहेको उनले बताए ।

साधारण सभामा संस्थाको वार्षिक समाचार पुस्तिका ‘उज्यालोको खोजी २०८०’ को संस्थाका अध्यक्ष शान्त पौडेल र कार्यसमिति सदस्यबाट संयुक्त रुपमा विमोचन गरिएको छ ।

संस्थाले कार्य सम्पादन मूल्यांकनबाट यस वर्ष उत्कृष्ट कर्मचारीको रुपमा छनौट भएका व्यवस्थापन अधिकृत लक्ष्मीदेवी शर्र्मा र सह संयोजक दुमनाथ शर्मालाई प्रशंसा पत्र नगद र दोसल्ला ओढाई सम्मान गरिएको थियो ।
यसै गरी संस्थाको काठमाडांै सम्पर्क कार्यालयमा रहेर आफनो जिम्मेवारी पूरा गर्दै ग्रामीण विकास विषयबाट स्नातकोत्तर तह उत्तीर्ण गरेकोमा कर्मचारी बिना तामाङलाई प्रशंसा पत्र नगदबाट सम्मान गरिएको थियो ।
कार्यक्रममा सहयोगी संस्था चिल्डे«न–नेपाल डेनमार्कका संस्थापक अध्यक्ष पीर ओर्टभल्टलाई प्रशंसा पत्र र दोसल्ला ओढाइ सम्मान गरिएको थियो ।

सोही क्रममा संस्थाद्वारा संचालित सूर्यमुखी हस्तकला कार्यक्रममा संलग्न उत्पादक महिलाहरुलाई समेत पुरस्कृत गरिएको थियो ।

२७ औं वार्षिक साधारणसभामा संस्थाको आव २०७९÷०८० को प्रगति प्रतिवेदन संस्थाका महासचिव जयन्द्र भट्टराईले प्रस्तुत गरेका थिए । आर्थिक प्रतिवेदन र आगामी वर्ष २०८०/०८१ को कार्यक्रम र बजेट संस्थाका कोषाध्यक्ष कुलप्रसाद पौडेलले प्रस्तुत प्रस्तुत गरेका थिए ।

सहभागीहरुलाई कार्य समिति सदस्य कृष्ण प्रसाद खरालले स्वागत गरेका थिए, भने साधारण सदस्यको तर्फबाट मिना भण्डारी र कार्यसमितिको तर्फबाट रामचन्द्र पौडेलले सभामा शुभकामना मन्तव्य राखेका थिए । संस्थाका सचिव राधादेवी शर्माले सञ्चालन गरेको साधारण सभामा संस्थाका निवर्तमान अध्यक्ष भीमलाल गुरुङले उपस्थित सम्पूर्णलाई धन्यवाद् ज्ञापन गरे ।