पोखरा । एट टु नाइन गाइज आयोजनामा जारी सेभेन ए साइटड फुटबल प्रतियोगिता सेमिफाइलिस्ट टिमको टुंगो लागेको छ । बि–१३, लामागाउँ, रामघाट र गन्नी एफसी अन्तिम ४ मा पुगेका हुन् । माछापोखरी खेलमैदानमा जारी खेलमा फाइनल प्रवेशका लागि मंगलबार बि–१३ र लामागाउँ तथा रामघाट र गन्नी एफसी भिड्ने छन् ।

पहिलो क्वाटरफाइनलमा बि–१३ ले कमलपोखरीलाई २–१ गोलले हराउँदै सेमिफाइनल प्रवेश गरेको छ । जीतमा नकुल तामाङ र विनय तामाङले समान १ गोल गरे । कमलपोखरीका लागि विनम गुरुङले गोल गरे । म्यान अफ दि म्याच बि–१३ का नकुल तामाङ घोषित भए ।

दोस्रो खेलमा लामागाउँले भुजुङ एफसीमाथि ५–० सानदार जित हासिल गर्दै अन्तिम चारको यात्रा तय गरेको छ । म्यान अफ दि म्याचसमेत घोषित लामागाउँका लागि अनुज भण्डारीले ह्याट्रिक गरे । मीन गुरुङ र मनीष क्षत्रीले गोल थपे ।

तेस्रो खेलमा रामघाट एफसीले नदीपुर एफसीलाई २–० गोलअन्तरले हराउँदै सेमिफाइनल प्रवेश गरेको छ । जीतमा दिपेश आले नायक बने । २ गोल गरेका उनी म्यान अफ द म्याच घोषित भए ।
अन्तिम खेलमा अनिश तामाङको गोलमा गन्नी एफसीले त्रिशक्ति युनाइटेडलाई १–० ले हराउँदै अन्तिम चारमा प्रवेश गरेको छ । अनिल म्यान अफि दी म्याच समेत घोषित भए ।