पोखरा ।
‘हत्या हिंसा, बलात्कार घटना
हो निर जाले हो छाउपडी गा’छैन ।
उठ उठ दिदी र बहिनी हो
हो निर जाले हो चुप लाग्न भा छैन ।’
हरितालिका तीज अवसरमा कलाकार कल्पना नेपाल (आचार्य) ले यस वर्ष पनि सांगीतिक कोसेली दर्शकस्रोतामाझ ल्याएकी छन् ।
महिलाको बेदनालाई तीज गीत लयमा ढालेर उनले जनचेतनामूलक गीत ‘हो निर जाले हो’ ल्याएकी हुन् । ‘कल्पनाका छालहरु’ नामक आफ्नै युट्युव च्यानलबाट हालै सार्वजनिक यो गीतको भिडियोले क्रमशः भ्यूअर्स बटुलिरहेको छ ।
‘महिला अधिकार छ भन्छन्, सबैले
हो निर जाले हो,
कहाँ छ नि थाहा छैन ।’
….
‘मनभरि पीडाका पोका छन्,
हो नि र जाले हो
कहाँ खोज्ने थाहा छैन ।’
कलाकार नेपाल खासमा मानवअधिकार अधिकृत हुन् । त्यसैले पनि उनका हरेक गीतसंगीत सस्तो मनोरञ्जनको नभई कुनै न कुनै सन्देश दिने खालका हुने गरेका छन् । आफ्नै रचना, लय, स्वर अभिनय रहेको ‘हो निर जाले हो’ मा पनि उनले महिलामाथि हुने चिथोमिचो अझै नरोकिएको भन्दै महिला हकअधिकार प्राथमिकतामा राखेकी छन् । गीतमा गायिका कल्पनासहित नारायणी अधिकारी, रुपा माण्डव्य, भगवती नेपाल, ललिता नेपाल लगायतको मुख्य अभिनय छ ।
५ वर्षअघि उनले ल्याएको तीज गीत ‘के आए जमाना साइँली’ धेरैले रुचाएका थिए । त्यसमा उनले परम्परागत रीतिरिवाज र संस्कृति भुलेर पर्वका नाममा विभिन्न विकृति विसंगति भित्रिएको भन्दै तीखो व्यङ्ग प्रहार गरेकी थिइन् ।
त्यसअघि दर्शकस्रोतमाझ आएको ‘चेली–नेता संवाद’ त खुवै चलेको थियो । खास तीज शैलीमा गाइएको उक्त गीतमा एउटा चेलीले मुलुकको शासन व्यवस्था, राजनीति र नेताको कार्यशैलीमाथि प्रश्न गर्दै सल्लाह सुझाव दिएकी छन् । जसमा नेताले पनि खुवै चाख मानेर विभिन्न उत्तर फर्काउँदै योजना सुनाएका छन् । उक्त गीतमार्फत नेपाली राजनीतिको नेतृत्व वर्ग पनि केही सचेत बनेको उनको दाबी छ ।
अचेल दैनिक सरदर २५ सय नेपाली युवा त्रिभुवन विमानस्थलबाट बाहिरिने गरेका छन् । कलाकार नेपालले त्यतिबेला नै नेतालाई गीतमार्फत सुझाव दिँदै भनेकी थिइन्–‘विदेश जाने युवालाई रोक, नेताज्यू यही मिल्छ सवथोक ।’
आफ्नो सिर्जनामा उनको आफ्नै लय, स्वर र अभिनयको त्रिवेणी झल्किन्छ ।
पाल्पाको रिब्दीकोट गाउँपालिकाकी नेपाल हाल राष्ट्रिय मानवअधिकार आयोगको केन्द्रीय कार्यालय काठमाडौंमा मानवअधिकार अधिकृत रुपमा कार्यरत् छन् । आफूमा गीतसंगीत तथा साहित्यप्रति रुचि सानै छँदा बसेको उनी बताउँछन् । कक्षा ५ पढ्दादेखि उनले गीत, कविता र कथा लेखेको बताइन् ।
नेपालीमा एमए, बिएड तथा कानुनमा स्नातक उनले स्नातकोत्तर तहमा मूल विषय नेपालीको शोधपत्र आफ्नै सिर्जना ‘इच्छा’ कविता संग्रहमाथि पूरा गरेकी थिइन् । त्यस्तै स्नातक तहमा पनि ‘सिर्जनाको पूmलहरु’ माथि लेखिन् । उनका समसामयिक लेखरचना राष्ट्रिय पत्रपत्रिका तथा अनलाइनमा पढ्न पाइन्छ ।
उनको रुची भजनतिर पनि छ । कल्पनाका छालहरु भजन संग्रह, राम नाम जपेर सहित जनचेतनामूलक गीतसंगीत ल्याइसकेकी छन् । अघिल्लो वर्ष उनको रचनाको मानवअधिकारबारे गीतको भिडियो पनि सार्वजनिक भएको थियो । तराईको मुहसर बस्तीमा खिचिएको उक्त गीतको भिडियो मानवअधिकार रक्षाबारे पहिलो हो ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१