पोखरा । रेडियो जननीले आयोजना गरेको नवौं तीज गीत प्रतियोगितामा पोखरा ६ को खहरे आमा समूह प्रथम भएको छ । प्रतियोगितामा पशुपति क्षेत्र दिदीबहिनी समूह वडा नं. ८ द्वितीय, जयमूल आमा समूह वडा नं. २ तृतीय र कमल जौसी आमा समूह वडा नं. २५ ले सान्त्वना स्थान हासिल गरे ।

प्रतियोगितामा प्रथम, द्वितीय, तृतीय र सान्त्वनालाई क्रमश  २० हजार, १५ हजार, १० हजार र ५ हजार नगद पुरस्कारसहित प्रमाणपत्र प्रदान गरिएको थियो । उत्कृष्ट नृत्यमा बुहारी सशक्तीकरण समाज र उत्कृष्ट भेषभूषामा माछापुच्छ«े आमा समूह वडा नं. १४ लाई ३/३ हजार नगद पुरस्कार प्रदान गरिएको थियो ।

प्रतियोगितामा प्रजापति पराजुली, सम्झना अधिकारी र सावित्री गिरीले निर्णायकको भूमिका निर्वाह गरेका थिए ।

गण्डकी प्रज्ञा प्रतिष्ठानका कुलपति सूर्यबहादुर खड्का विखर्चीले आजभोलि कर्म गर्ने संस्कारमा कमी आएको भन्दै रेडियो जननीले कर्म गर्दै उद्यमी बन्न सिकाएको बताए ।

कार्यक्रममा पोखरा १४ का वडाध्यक्ष बोधबहादुर कार्की, पोखरामहानगरपालिका वडा नं. १९ का महिला जनप्रतिनिधि दुर्गा बस्नेत र वडा नं. ८ का वडासचिव सविता ढुंगानाको विशेष उपस्थिति थियो ।

रेडियो जननीका अध्यक्ष हीरा भट्टराईको अध्यक्षतामा भएको कार्यक्रममा रेडियोका निवर्तमान अध्यक्ष सविता शेरचनले धन्यवाद ज्ञापन र रेडियोका कार्यक्रम संयोजक सबु पाठकले सञ्चालन गरेका थिए ।