पोखरा । अन्तर्राष्ट्रिय जैविक विविधता दिवस पोखराका संरक्षणकर्मीले मनाएका छन् । राष्ट्रिय सम्पदा तथा जनाधिकार संरक्षण समिति नेपालको आयोजनामा बिहीबार गिद्ध र लाटोकोसेरोबारे विद्यार्थीलाई प्रशिक्षण दिइएको हो ।
विन्ध्येश्वरी माध्यमिक विद्यालय पोखरा १९ का विद्यार्थीलाई संरक्षणकर्मी कृष्णमणि बरालले प्रशिक्षण दिएका हुन् । बरालले विश्वमा २३ प्रजातिका गिद्ध पाइनेमा नेपालमा ९ प्रजातिका गिद्ध रहेको जनाए । उनले भने, ‘नेपालमा पाइने ९ प्रजातिका गिद्धमध्ये सबै पोखरामा पाइन्छन् । तर विविध कारणले गिद्धको संख्या भने घटिरहेको छ ।’
गिद्ध, लाटोकोसेरो जस्ता पंक्षी मानिसका लागि लाभदायक भएको उनले औंल्याए । उनले गिद्धले मरेका जीवको मात्र मासु खाने उल्लेख गर्दै उनले त्यसले प्राकृतिक कुचिकारको भूमिका निर्वाह गर्न उल्लेख गरे । लाटोकोसेरोलाई अपसकुनको सूचक मानी भगाउने, गुँड भत्काउने चलन अझै नहराएकोतर्फ संकेत गर्दै उनले लाटोकोसेरोले हानिकारक जीवहरु खाएर मानिसलाई अप्रत्यक्ष रुपमा सघाउने जनाए । नेपालमा २३ प्रजातिका लाटोकेसेरा पाइन्छन् ।
विश्वमा पाइने विभिन्न प्रजातिमध्ये १४ प्रजातिका गिद्ध संकटको सूचीमा छन् । नेपालमा पाइने ९ प्रजातिमध्ये ६ स्थानीय हुन् । पशुमा प्रयोग गरिने डाइक्लोफेनेकका कारण गिद्धहरु नासिदै गएपछि २०६३ बाट नेपालभर नै यसको प्रयोगमा प्रतिबन्ध लगाइएको छ ।
राष्ट्रिय सम्पदाका अध्यक्ष सुनिल पाण्डेले बासस्थानको विनाशले गिद्धहरु हराउँदै गएको जनाए । उनले पछिल्लो समय गिद्ध रेस्टुरेन्ट स्थापना, डाइक्लोफेनेकमा प्रतिबन्ध जस्ता कारणले गिद्धको संख्या बढेको उनको भनाइ छ । ‘गिद्धको गुँड हुने सिमलका बोटहरु काटिएका छन्, खेत मासिँदै घरमात्र बन्दा गिद्धहरु संकटमा पर्दै गएका हुन्,’ उनले भने ।
महाकाली बचाऊ अभियान हुँदै २०४८ मा स्थापना भएको सम्पदाले मानवअधिकारको रक्षा र सम्पदा संरक्षणका लागि विभिन्न कार्य गर्दै आएको छ । जैविक विविधता दिवस जैविक विविधताको महत्व बुझाउन २२ मेमा विश्वभर मनाइन्छ ।
कार्यक्रममा विन्ध्यश्वरी माविका प्रधानाध्यापक श्रीराम आचार्यले यस खालका कार्यक्रमले विद्यार्थीलाई वातावरण र सम्पदाबारे बुझाएर सजग भावी पुस्ता तयार गर्न सघाउने उल्लेख गरे । कार्यक्रममा विन्ध्यश्वरीका एकेडेमिक डिन अर्जुन अधिकारीले पनि बोलेका थिए ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१