लेखनाथ । लायन्स क्लब अफ पोखरा गण्डकी अन्तर्राष्ट्रिय डिस्ट्रिक्ट ३२५ जे ले नेपालले सञ्चालन गरेको पढाऊ अभियानअन्तर्गत गरिब तथा जेहेनदार विद्यार्थीलाई छात्रवृत्ति वितरण गरिएको छ ।

क्लबले पोखरा ३२ स्थित ब्रह्मरुपा माविमा मंगलबार त्यहाँका ५ जना छात्रालाई जनही ५/५ हजारका दरले छात्रवृत्ति प्रदान गरेको लायन्स क्लब डिस्ट्रिक्ट फस्ट लेडी अनिला श्रेष्ठले बताइन् ।

कार्यक्रममा विद्यालय प्रअ जनार्दन सुवेदीले शिक्षक, विद्यार्थी, अभिभावक तथा सामाजिक क्षेत्रमा काम गर्ने व्यक्ति तथा संस्था मिलेर सामुदायिक विद्यालयको शैक्षिक गुणस्तर सुधार गर्नुपर्ने बताए ।

कार्यक्रममा विद्यालय व्यवस्थापन समिति अध्यक्ष दुर्गालाल पण्डित, संस्थाका उपाध्यक्ष इन्दिरा पराजुली, शारदा पराजुली, इन्दिरा बराल, पूजन शाक्य, मीना थापा, सीता पाण्डे, तुमला श्रेष्ठ लागायताले कार्यक्रमका बोलेका थिए ।

संस्थाले संस्थाको अक्षयकोषबाट प्राप्त व्याजबाट सामुदायिक विद्यालयमा अध्ययन गर्ने गरिब तथा जेहेनदार विद्यार्थीलाई हरेक वर्ष छात्रवृत्ति वितरण गर्दै आएको छ । हालसम्म ५० जना छात्रछात्रालाई छात्रवृत्ति प्रदान गरिएको क्लबले जनाएको छ ।