पोखरा । अम्बर गुरुङ राष्ट्रिय संगीत पुस्कार किरण खरेललाई अर्पण गरिने भएको छ । नेपाल संगीत तथा नाट्य प्रज्ञा प्रतिष्ठानका संस्थापक कुलपति अम्बर गुरुङको स्मृति एवं सम्मानमा पोखरेली युवा सांस्कृतिक परिवारद्वारा स्थापित उक्त पुरस्कार पहिलोपटक खरेललाई प्रदान गर्न लागिएको हो ।
नेपाली गीतसंगीका धरोहर, नेपाली राष्ट्रगानका संगीतकार, अम्बर गुरुङ राष्ट्रिय संगीत कोषको स्थापना गरी नेपाली सांगीतिक क्षेत्रमा उल्लेख्य योगदान पु¥याउने व्यक्ति वा संस्थालाई पुरस्कार समर्पण गर्ने प्रावधान अनुसार परिवारले योजना बनाएको संस्थाका अध्यक्ष उपेन्द्र पौडेलले बताए ।
संस्थाले जारी गरेको विज्ञप्तिमा उल्लेख छ, ‘नेपाली संगीतको विकासमा उत्प्रेरणात्मक योगदान पुगोस् भन्ने अभिप्रायले स्थापित अम्बर गुरुङ राष्ट्रिय संगीत पुरस्कार संस्थाद्वारा पहिलोपटक नेपाली गीतलेखनको क्षेत्रमा ६ दशकभन्दा बढी समयदेखि अनवरतरुपले साधनारत् ज्येष्ठ गीतकार श्री किरण खरेललाइ समर्पण गरिने जानकारी गराउँदछौं ।’
अध्यक्ष पौडेलका अनुसार अम्बर गुरुङ राष्ट्रिय पुरस्कारको राशि २ लाख रुपैयाँ नगद र सम्मानपत्र हुनेछ । पुरस्कार प्रत्येक २ वर्षमा समर्पण गरिनेछ । पुरस्कार समर्पण समारोह यो पालि आउने वैशाख १६ गते पोखरामा गरिने भएको छ ।
‘करिब ५ दसकदेखि नेपाली साहित्य, संगीत र कला क्षेत्रमा क्रियाशील यस संस्थाद्वारा स्थापित महत्वपूर्ण पुरस्कारद्वारा नेपाली संगीतकर्मी एवं संगीतप्रेमी समस्त महानुभावहरुले खुसी र गर्वबोध गर्नेछन् भन्ने हामीले अपेक्षा गरेका छौं,’ विज्ञप्तिमा उल्लेख छ ।
१९९५ सालमा काभ्रेको खरेलथोकमा जन्मेका खरेल नेपाली गीत संगीत क्षेत्रका सदावहार सर्जक हुन् ।
यो हो मेरो प्राणभन्दा प्यारो माइतीर, जिन्दगीलाई जीत होइन हारले स्वागत गरी, नमान लाज यसरी, वनमा फुल्यो फूलैफूल, लुकुँ लुकुँ लाग्यो मलाई बादल जस्तो त्यो कालो केशमा, कसले चो¥यो मेरो मन, मन्दिरमा छ कि मूर्तिमा माया, हिमालको काखमा छ सानो मेरो गाउँ लगायत गीत उनैले रचना गरेका हुन् । २०३९ सालमै छिन्नलता पुरस्कार पाएका उनले सयौं सम्मान प्राप्त गरेका छन् । ३ वटा गीत संग्रह किरण खरेलले प्रकाशन गरेका छन् ।
Related News
सम्बन्धित समाचार
एमाले मुस्ताङको अध्यक्षमा दीपक लालचन
फिल्म ‘लण्डन टु पेरिस’ को ‘चाहन्छु यो माया’ गीत सार्वजनिक
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१