पोखरा । पोखरा– १५ कोलपाटन स्थित रेन्वो एकेडेमिक होम्स माविको २५ औं वार्षिकोत्सव तथा अभिभावक दिवस बुधबार पोखरामा सम्पन्न भएको छ । पोखरा महानगरपालिकाका प्रमुख धनराज आचार्यले पोखरा सभागृहमा आयोजित रजत जयन्ती समारोहको उद्घाटन गरेका थिए ।
कार्यक्रममा बोल्दै प्रमुख आचार्यले संस्थागत विद्यालयहरुमा गुणस्तरीय पठनपाठन भए पनि त्यस्ता विद्यालयहरुले थुप्रै चुनौतिहरुको सामना गर्दै आउनुपरेको बताए । कतिपय कोणबाट यस्ता विद्यालयहरुप्रति हेर्ने दृष्टिकोण नकारात्मक समेत भएको भन्दै उनले निजी विद्यालयहरुका थुप्रै सकारात्मक पक्षलाई विर्सन नमिल्ने बताए । पोखरा महानगरपालिकाले महानगर भित्रका विद्यालयहरुमा एकरुपता ल्याउने र गुणस्तरीय शिक्षाको वातावरण सिर्जना गर्न काम अगाडि बढाउने तयारी गरिरहेको जानकारी पनि उनले दिए ।
सो अवसरमा विद्यालयका प्राचार्य बाबुराम बरालले गुणस्तरीय शिक्षालाई जोड दिएर विद्यालयले शैक्षिक गतिविधिहरु अगाडि बढाइरहेको जानकारी दिए । खेलकूद, अतिरिक्त क्रियाकलाप र विभिन्न परियोजनागत गतिविधिमा समेत विद्यार्थीहरुलाई संलग्न गराई उनीहरुमा वृहत शैक्षिक चेतको विकास गर्न विद्यालय प्रतिवद्ध रहेको प्राचार्य बरालले बताए । विद्यालय र शैक्षिक गतिविधिलाई थप गुणस्तरीय र परिस्किृत बनाउन अभिभावकको सुझावको अपेक्षा समेत सो अवसरमा बरालले गरे ।
विद्यालय व्यवस्थापन समितिका अध्यक्ष सुशिलराज पराजुलीको सभापतित्वमा भएको कार्यक्रममा जिल्ला शिक्षा विकास तथा समन्वय इकाई कास्कीका प्रमुख नारायणप्रसाद सुवेदी, प्याव्सन कास्कीका अध्यक्ष मथुराप्रसाद पौडेल, विद्यालय व्यवस्थापन समितिका सदस्य धनराज पुरी, पोखरा १५ का वडाअध्यक्ष तोरणबहादुर बानिया लगायतले भनाई राखेका थिए ।
सो अवसरमा २०७६ साल देखि २०७९ सालसम्मका उत्कृष्ट विद्यार्थीलाई पुरस्कार पनि प्रदान गरिएको थियो । विभिन्न सालका शैक्षिक पुरस्कार पनि कार्यक्रममा वितरण गरियो । विद्यार्थीहरुले सांस्कृतिक कार्यक्रम, विविध नृत्य र गायन कला पनि प्रस्तुत गरेका थिए । कार्यक्रमस्थलमा विद्यालयका विद्यार्थीहरुले साइन्स प्रदर्शनी पनि आयोजना गरेका थिए । सहप्राचार्य खेमनारायण ढकालले संयोजन गरेको कार्यक्रमको संचालन विश्वराज रसाइलीले गरेका थिए ।
Related News
सम्बन्धित समाचार
रत्नशोभा माविका भूपू विद्यार्थीबीच पुनर्मिलन
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
स्याङ्जा जिल्लाकै पहिलो विद्यालयको ७१ औं वार्षिकोत्सव
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१