पोखरा । गण्डकी प्रदेशको मुख्य न्यायाधिवक्तामा वरिष्ठ अधिवक्ता श्रीकान्त बराल नियुक्त भएका छन् । मुख्य न्यायाधिवक्तामा नियुक्त बरालललाई प्रदेश प्रमुख पृथ्वीमान गुरुङको उपस्थितिमा उच्च अदालतका कामु मुख्य न्यायाधीश डिल्लीराज आचार्यले शनिबार सपथ खुवाएका छन् ।

नवनियुक्त मुख्य न्यायाधिवक्ता बराल पोखरा २६ निवासी हुन् । उनी काठमाडौंमा वकालत गर्दै आएका थिए । नवनियुक्त मुख्य न्यायाधिवक्ता बराल पोखरा २६, बरालडाँडा निवासी हुन् ।  सरकारले उनलाई नियुक्त गरेपछि आजैमात्र जहाजबाट उनी पोखरा आएका हुन् । पोखराको पृथ्वीनारायण क्याम्पसमा आइएल पढेका उनी बिएल पढ्न भने काठमाडौं गएका थिए । वरिष्ठ अधिवक्ता एवं पूर्व महान्यायाधिवक्ता रमेश बडाल र श्रीकान्त बराल  काठमाडौंमा एउटै फर्म  चलाउँदै आएका थिए ।