पोखरा । पोखरा–९, नयाँबजारस्थित नवप्रभात माध्यमिक विद्यालयको ५४ औं वार्षिकोत्सव, अभिभावक दिवस तथा पुरस्कार वितरण समारोह बुधबार भएको छ ।
समारोह उद्घाटन गर्दै पोखरा ९ का वडाध्यक्ष दीपेन्द्र मर्सानीले गुणस्तरीय शिक्षाका लागि शिक्षकहरु प्रतिबद्ध हुनुपर्ने औंल्याउँदै यो वा त्यो बहानामा गुणस्तरमा विद्यार्थीलाई दोष लगाएर उम्कन नमिल्ने बताए ।
उनले पुरस्कार प्रदान गरी विद्यार्थीलाई प्रोत्साहन गर्ने परिपाटीको प्रशंसा गर्दै गरिब तथा विपन्न विद्यार्थीको पठनपाठनका लागि वडाले सहजीकरण गर्ने स्पष्ट पारे । वडाध्यक्ष मर्सानीले विद्यालयमा सञ्चालित कक्षा ११ र १२ तर्फ व्यवस्थान तथा कानुन विषयको पठनपाठनबाट फाइदा लिन स्थानीय समक्ष आग्रह पनि गरे ।
पोखरा महानगरपालिका शिक्षा महाशाखाका विद्यालय निरीक्षक जीवनप्रसाद रेग्मीले सामुदायिक विद्यालयमा सरकारको ठूलो लगानी रहने गरेको उल्लेख गर्दै आफ्नो कर्तव्यप्रति जवाफदेही बन्न शिक्षक तथा अभिभावकलाई सुझाव दिए ।
त्यस अवसरमा भूतपूर्व अध्यक्ष गोविन्दध्वज श्रेष्ठ, भूतपूर्व प्रधानाध्यापक नरबहादुर गुरुङ, विद्यालय व्यवस्थापन समितिका कार्यवाहक अध्यक्ष प्रीति पाण्डे, सहारा आधारभूत विद्यालयका प्रधानाध्यापक लोचना अधिकारी, सल्लाहकार उत्तम जोशी, विद्यार्थी सुरेन्द्र पौडेल लगायतले बोलेका थिए ।
उनीहरुले शिक्षकले पेसाप्रति निष्ठापूर्वक कार्य गर्नुपर्ने, शैक्षिक स्तर वृद्धिका लागि शिक्षकजस्तै अभिभावकले पनि ध्यान दिनुपर्ने, राज्यको लगानी रहेका सामुदायिक विद्यालयलाई सफल बनाउनुपर्ने, शिक्षाका नाममा व्यापार गर्न नहुने, विद्यालयमा पारिवारिक वातावरण हुनुपर्ने लगायतमा जोड दिए ।
प्रधानाध्यापक मायाकुमारी थापाले विद्यालयको समग्र अवस्थामाथि प्रकाश पार्दै आइसिटीलाई विस्तार गर्ने, विद्यालय हाताभित्र सरस्वती मन्दिर निर्माण गर्ने साथै १० जोड २ कक्षा सञ्चालनका लागि भवन निर्माण गर्ने योजना सुनाइन् । उनले सुरक्षा संवेदशीलताका कारण विद्यालय पछाडि सेती नदीतर्फको भागमा तारबार गर्नुपर्ने, कार्यक्रम सहजताका लागि सभाहलमा जिप्सन राख्नुपर्ने आवश्यकता उल्लेख गरिन् ।
कार्यक्रमबीच विद्यार्थी सोनिया नेपाली, प्रमिशा कार्की, नमूना भट्टराई, सरिना रानाभाट, विवेक गुरुङ, अमृता पौडेललयायत नेतृत्वमा विभिन्न प्रस्तुति राखियो । उत्कृष्ट शिक्षकबाट ममता गुरुङ सम्मानित भइन् भने शैक्षिक तथा खेलकुद विद्यातर्फका विभिन्न पुरस्कार पनि वितरण गरियो ।
विद्यालय व्यवस्थापन समितिका कार्यवाहक अध्यक्ष पाण्डेको अध्यक्षतामा भएको कार्यक्रममा सहायक प्रधानाध्यापक पद्मलाल बास्तोलाले स्वागत र शिक्षक विनप्रसाद पौडेलले सञ्चालन गरेका थिए ।
Related News
सम्बन्धित समाचार
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
रत्नशोभा माविका भूपू विद्यार्थीबीच पुनर्मिलन
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१