पोखरा, २२ असोज । राष्ट्रिय ए डिभिजन फुटसल लिगको उपाधि स्पोट्र्स क्यासलले जितेको छ ।
पोखरा रंगशाला बहुउद्देश्यीय कभर्डहलमा भएको फाइनलमा काठमाडौंको शंखमुल फुटसललाई ४–२ गोलअन्तरले हराउँदै क्यासलले उपाधि जितेको हो । क्यासलले जीतसँगै १० लाख रुपैँयाको साथमा ट्रफी, मेडल र प्रमाणपत्र तथा उपविजेता शंखमुलले ५ लाख रुपैयाँ प्राप्त गर्याे।
क्यासलले खेलको छैटौं मिनेटमा विजय गुरुङको गोलमा अग्रता लिएको थियो । शंखमुलका लक्ष्मण थापा मगरले ११ औं मिनेटमा बराबरी गोल फर्काए । २० औं मिनेटमा क्यासलका किशोर गुरुङले गोल गर्दै अग्रता पुनः लिए । पहिलो हाफमा २–१ को अग्रता लिएको क्यासलले दोस्रो हाफमा समेत २ गोल गर्याे । २१ औं मिनेटमा किशोरको व्यक्तिगत दोस्रो गोलमा क्यासलले ३–१ को अग्रता लियो । २३ औं मिनेटमा शंखमुलका मणि लामाले गोल गर्दै अग्रता घटाए पनि जीत हात पार्न सकेन । क्यासलका किशोरले ३९ औं मिनेटमा गोल गर्दै ह्याट्रिक पूरा गरे ।
क्यासल लिगको शिर्षस्थानमा रहँदै प्लेअफमा पुगेको हो । प्ले अफमा द राईजिङ क्लब धरानलाई हराउँदै फाइनल प्रवेश गरेको थियो । उता शंखमुल लिग तालिकाको तेस्रो स्थानको टिम हो । तेस्रो स्थान रहँदै एलिमेटर खेलमा अर्को घरेलुटोली सविन मेमोरियललाई हराउँदै क्वालिफाइमा पुगेको थियो । क्वालिफाइमा राइजिङलाई नै हराउँदै फाइनल प्रवेश गरेको थियो । लगातार चार खेल खेलेका कारण खेलाडी निकै थकित भएको शंखमुलका प्रशिक्षक प्रकाश परियारले बताए । उनले खेलाडीले सोच भन्दा राम्रो खेल खेलेको प्रतिक्रिया दिए । उनले नेपालमै पहिलो पटक वास्तविक फुटसल खेलिएको बताए । यस्तै जितसंगै क्यासलका मुख्य प्रशिक्षक विष्णु गुरुङले आफूहरु जितको हकदार भएको प्रतिक्रिया दिए । ‘मलाई मेरो खेलाडीमा विश्वास थियो हामिले उपाधि जित्छौँ भन्नेमा’ उनले भने,‘आजको खेलमा दबाब त थियो नै तर, दर्शकको हौसलाले पनि हामीलाई साथ दियो ।’
विधागततर्फ:
उत्कृष्ट आला: मणि लामा (शंखमुल)
उत्कृष्ट गोलरक्षक: अनिष श्रेष्ठ (कप्तान शंखमुल)
उत्कृष्ट फिक्सो: विजय श्रेष्ठ (फुटसल ५ धरान)
उदियमान खेलाडी: सुमित श्रेष्ठ (स्पोट्र्स क्यासल)
उत्कृष्ट प्रशिक्षक: विष्णु गुरुङ (स्पोट्र्स क्यासल)
Related News
सम्बन्धित समाचार
स्केटिङ तथा स्केटबोर्डिङ संघमा राजकुमार
कसको हातमा पर्ला वर्ष खेलाडीको उपाधि ?
वर्ष खेलाडीको चर्चा
पराजुलीलाई उत्कृष्ट खेलकुद पत्रकारिता अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
hero news full width
मुख्य समाचार
पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
आगलागीले सुन्तलाको बगैंचा सखाप
वैशाख २७, २०८१पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१