म्याग्दी । बेनी अस्पतालका स्वास्थ्यकर्मी तथा कर्मचारी तलब सुविधा नपाएको भन्दै आन्दोलित भएका छन् । उनीहरुको आन्दोलनका कारण इमर्जेन्सीबाहेकका सबै बन्द भएका छन् । ३ महिनादेखि आफूहरुले तलब सुविधा नपाएको भन्दै चिकित्सक, स्वास्थ्यकर्मी र कर्मचारीहरु आन्दोलित भएका हुन् । ६४ शैय्याको अस्पतालको आकस्मिक बाहेकका सेवा ठप्प हुँदा बिरामी पर्कामा परेका छन् ।
औषधी उपचार र प्रशासनिक काम ठप्प पारेर चिकित्सक, स्वास्थ्यकर्मी र कर्मचारीहरु आकस्मिक कक्ष अगाडि धर्ना बसेका छन् । उनीहरुले बहिरंग, ल्याब, आँखा उपचार लगायत औषधीसम्बन्धी सेवा साथै प्रशासनिक काम ठप्प पारेका छन् ।
आफ्नो माग सम्बोधनबारे प्रशासनले कुनै सुनुवाइ नगरेपछि इमर्जेन्सीबाहेक सबै सेवा बन्द गर्न बाध्य भएको डा. गोविन्द पोखरेलले बताए । आफूहरुले असारदेखि तलब, काम गरेको बापत प्रोत्साहन भत्ता लगायत सेवासुविधा उपलब्ध गराउन प्रशासनलाई आग्रह गरे पनि बेवास्ता गर्ने गरेको गुनासो पोखे ।
चाडपर्व नजिकिंदै गर्दा समेत रोकिएको तलब भत्ता नपाएपछि आफूहरुले सेवा बन्द गर्न बाध्य भएको डा. दीपेश पण्डितले बताए । तलब भत्ता नपाउँदा पारिवारिक समस्या समेत बढेको उनले गुनासो गरे । अस्पतालमा कार्यरत १ सय २४ जना चिकित्सक, स्वास्थ्यकर्मी, कर्मचारी लगायत आन्दोलित भएका छन् ।
‘आफ्नो माग सम्बोधनबारे प्रशासनले कुनै सुनुवाइ नगरेपछि इमर्जेन्सीबाहेक सबै सेवा बन्द गर्न बाध्य भएका हौं ।’
अस्पतालमा कार्यरत स्थायी र करारमा कार्यरत करिब १ सय २४ जना कसैले पनि तलब नपाएको मेडिकल सुपरिटेन्डेन्ट डा. जितेन्द्र कँडेलले बताए । केही समयदेखि तलब नपाउने भएपछि पेनडाउन गर्ने स्वास्थ्यकर्मी र कर्माचारीले दबाब दिएपछि ५ पटकसम्म सम्झाएर काममा फर्काएको उनले बताए । अस्पताल व्यवस्थापन समिति र कर्मचारीको बैठकपछि लेखापालले तलब भत्ता उपलब्ध गराउने आश्वासन दिए पनि आनाकानी गरिरहेको उनको भनाइ छ । समस्या समाधानका लागि जिल्ला प्रशासन कार्यालय र कोष तथा लेखा नियन्त्रक कार्यालयले जानकारी गराएको बताए ।
यता, अस्पतालमा सेवा अवरुद्ध हुँदा उपचार गर्न आएका बिरामीले सास्ती व्यहोर्नुपरेको छ । जिल्लाको बेनी नगरपालिका वडा २ बाट आफन्तको आँखाको उपचार गर्न आए पनि स्वास्थ्यकर्मीको आन्दोलनले उपचार नपाएको उनीहरुले गुनासो गरे । बेनी नगरपालिका–५, भिरमुनिका मुटुुरोगी भक्तबहादुर बानियाँ आन्दोलनको मारमा परे । उनी बन्द सेवा खुल्ने आशामा सोमबार बिहान ११ बजेदेखि कुरेर बसेका छन् ।
अन्यजस्तै बेनी–२ बाट आएका ज्वरो बिरामी अर्जुन किसान अन्दोलनको मारमा परे । रघुगंगा गाउँपालिका वडा ३ बाट आँखा जचाउन आएकोमा आन्दोलनका कारण उपचार नपाएको डम्मरबहादुर कार्कीले गुनासो गरे । ‘आँखा दुखेको ४÷५ दिन भयो । घरेलु उपचारले निको नभएपछि बेनी अस्पताल आएको थिएँ,’ उनले भने, ‘के कारणले सेवा पाउन सकिरहेको छैन । यहाँ उपचार नहुने भएपछि प्राइभेटमा भए पनि जानुप¥यो ।’
अस्पतालको एक्सरे मेसिन बिगिँ्रदा बिरामीलाई समस्या भएको छ । करिब १० दिनअघि भोल्टेज अपडाउन हुँदा एक्सरे मेसिनको सिआर सिस्टम अवरुद्ध भएको हो । एक्सरेसँगै रहेका प्रिन्टर र सिपियु जलेर नष्ट भएको छ । बिग्रिएको लामो समयसम्म एक्सरे मेसिन मर्मत नहुँदा अस्पतालमा सेवा प्रभावित भएको छ । अस्पतालमा एक्सरे सेवा अवरुद्ध हुँदा बिरामीले सास्ती व्यहोर्नु परेको छ । उनीहरुले चर्को शुल्क तिरेर अस्पताल बाहिरी क्लिनिकबाट एक्सरे गराउँदै भएका छन् । क्लिनिकबाट सेवा लिँदा महँगो शुल्क तिनुपर्ने र धेरै समय लाग्ने गरेको बिरामीको दुखेसो छ ।
यसैबीच, मन्त्रालय परिवर्तन हुँदा केही प्राविधिक समस्या हुँदा ढिला भएको हुन सक्ने अस्पताल व्यवस्थापन समिति अध्यक्ष बेलबहादुर कटुवालको तर्क छ । अस्पतालमा लेखापालको दरबन्दी नभएकोले प्रदेश सरकारले ३ वटा कार्यालय हेर्ने गरी १ जना लेखापाल नारायण सुवेदीलाई पठाएको पठाएको छ । यसअघि गण्डकी प्रदेश सामाजिक विकास मन्त्रालय मातहत रहेको बेनी अस्पताल अहिले स्वास्थ्य मन्त्रालय मातहत छ ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
रुसी सेनामा आबद्ध नेपाली फिर्ता ल्याउन उच्चस्तरमा कूटनीतिक पहल गर्छुः प्रधानमन्त्री
सुरु भयो ट्राफिक सप्ताह, मुख्यमन्त्रीले गरे उद्घाटन
चट्याङ लागेर एकजनाकोे मृत्यु
लालबहादुर चण्डेश्वरी संगीत पुरस्कार मीरा र ध्रुवेशचन्द्रलाई
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१