पोखरा । बागलुङको विकट क्षेत्र बोबाङमा प्रदेशस्तरीय तेक्वान्दो प्रतियोगिता भएको छ । ढोरपाटन ८, बोबाङमा पहिलो प्रदेशस्तरीय तथा दोस्रो बागलुङ जिल्लास्तरीय प्रतियोगिता भएको हो ।
गण्डकीका युवा तथा खेलकुद मन्त्री राजीव गुरुङ (दीपक मनाङे) ले प्रतियोगिता उद्घाटन गर्दै खेलकुद र युवाका लागि आफ्नो मन्त्रालयले अधिकतम प्रयास गरेको बताए । ‘हाम्रो मन्त्रालयको काम नै युवालाई रोजगारी सिर्जना गर्ने हो । अझ खेलाडीलाई उत्पादनमा जोड्न लागेका छौं,’ उनले भने, ‘खेल क्षेत्रको विकासमा विज्ञहरुको सुझाव लिएका छौं । जहाँ पूर्वाधार छैन, त्यहाँ पूर्वाधार विस्तार गर्ने छौं ।’
गण्डकी खेलकुद परिषद् सदस्यसचिव तेज गुरुङले राज्यले नै खेल क्षेत्रको महत्व नबुझेको गुनासो गरेका छन् । धेरै खेलको सम्भावना नेपालमा भए पनि आवश्यक संरचना बनाउन सरकारले ध्यान नदिएको उनले सुनाए । ‘खेलाडीहरु कुनाकाप्चामा छन् । उनीहरुलाई खेल्ने मन छ । तर खेल्ने ठाउँ र सामग्री छैन,’ उनले भने, ‘गण्डकी सरकारसँग धेरै स्रोत त छैन तर भएको स्रोतको उच्चतम उपयोग गरेर आवश्यक्ताका आधारमा वितरण गर्छौं ।’ पूर्वाधार र खेल सामग्रीको अभाव भएको भन्दै उनले सकेजति व्यवस्थापन गर्ने प्रतिबद्धता जनाए ।
प्रदेश सरकारले खेलाडी दुर्घटना भए त्यसको उपचार निशुल्क गर्ने व्यवस्था मिलाएको छ । पोखराको अन्नपूर्ण अस्पतालमा खेलाडीको स्तरअनुसार छुटमा उपचार हुन्छ । अन्तर्राष्ट्रिय खेल खेलेकालाई सत्प्रतिशत निशुल्क छ भने राष्ट्रिय खेल खेलेकालाई ५० प्रतिशत शुल्क छुट हुने गुरुङले जानकारी दिए ।
आइटिएफका गण्डकी अध्यक्ष घमबहादुर थापाले सबैखाले एकताको स्रोत खेलकुद भए पनि खेल क्षेत्रमा राज्यको नजर नपुगेको बताए । ‘विश्वभर विभाजन छ विभिन्न नाममा । तर खेल क्षेत्र मात्रै यस्तो हो, जहाँ एकता मात्रै हुन्छ,’ उनले भने, ‘हामी एकताका लागि मिहिनत गरिरहेका छौं । धेरै युवाहरु कुलतमा फसिरहनुभएको छ । उनीहरुलाई खेल क्षेत्रमा जोड्न सके समाज राम्रो बन्छ ।’ निसीखोला र तमानखोला गाउँपालिकाका अध्यक्षहरुले ग्रामीण पूर्वाधारमा साथ दिन आग्रह गरे । बागलुङबाट धेरै राष्ट्रिय खेलाडी उत्पादन भए पनि त्यसअनुसार पूर्वाधार नभएको उनीहरुको गुनासो छ । प्रदेशका ६ जिल्लाको प्रतिनिधित्व रहेको खेलमा जिल्लास्तरीय प्रतिस्पर्धामा ९ टीमले भाग लिएका थिए । प्रतियोगिता २ दिन चलेको थियो ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१