वालिङ । वालिङ नगरपालिकाले न्यून आय भएका परिवारको आर्थिक उपार्जनका लागि बंगुरका पाठापाठी वितरण अभियान थालेको छ । आर्थिक स्तर न्यून भएका नागरिकको माग आधारमा नगरपालिकाले बंगुरपालनको सम्भावना भएका ३ ठाउँलाई ‘बंगुर पकेट कार्यक्रम’ घोषणा गरी व्यावसायिक बंगुरपालनलाई अगाडि बढाएको हो ।
प्रधानमन्त्री कृषि आधुनिकीकरण परियोजना ‘बंगुर पकेट कार्यक्रम’ अन्तर्गत नगरपालिकाले वालिङ ८, पारिवन वन उपभोक्ता समूहमा आबद्ध २४ जनालाई जनही २÷२ वटा दरले ४८ वटा बंगुरका पाठापाठी वितरण गरेको हो । यसअघि आइतबार वालिङ ७, ताप्केस्थित सिर्जना बंगुरपालन समूहलाई ३५ पाठापाठी वितरण गरिसकेको छ । अब वालिङ ६, लाङघाली बंगुरपालन समूह धनुबाँसेलाई वितरण गर्ने तयारी छ ।
वडा ६, लाङघाली बंगुरपालन समूह धनुबाँसे, वडा ७, सिर्जना बंगुरपालन समूह र वडा ८, पारिवन वन उपभोक्ता समूहलाई ‘बंगुर पकेट क्षेत्र’ रुपमा विकास गर्न बंगुरका पाठापाठी वितरण गरिएको उपप्रमुख कल्पना तिवारीले बताइन् । घोषणा गरिएका पकेट क्षेत्रहरुमा बंगुरका पाठापाठी वितरण, कृषकलाई आवश्यक तालिम तथा औषधोपचारका लागि सहयोग गर्ने र विशेषगरी व्यावसायिकतामा जोड दिइने उपप्रमुख तिवारीले बताइन् । सामूहिक वा व्यक्तिगतरुपमा बंगुरपालन गर्न चाहने कृषकका लागि आवश्यक अनुदान दिने, उत्पादित पाठापाठी तथा मासुको बजारीकरणको व्यवस्था मिलाउने काम नगरपालिकाले गर्ने उपप्रमुख तिवारीको भनाइ थियो ।
सानो संख्यामा र परम्परागत तवरबाट गर्दै आएको निर्वाहमुखी व्यवसायलाई अब आधुनिक र थप व्यावसायिकतातर्फ उन्मुख गराउन सो अभियान सञ्चालन गरिएको वालिङ ८ का वडाध्यक्ष कमलप्रसाद सुवेदीले बताए ।
चालू आर्थिक वर्षका लागि १० लाख बजेट विनियोजन भएको र आगामी आर्थिक वर्षका लागि पनि निरन्तर बजेटको व्यवस्थापन हुने गरी कार्यक्रम अगाडि बढाइएको वालिङ नगरपालिका पशु विकास शाखाका प्रमुख डा. वसन्तकुमार अधिकारीले बताए ।
नगरपालिकाले घोषणा गरेको ३ वटा बंगुर पकेट क्षेत्रमध्ये शनिबार सिर्जना बंगुरपालन समूह वालिङ ७, ताप्केमा ३५ वटा बंगुरका पाठापाठी वितरण गरिएको थियो ।
यस वर्ष नगरपालिकाले ३ पकेट क्षेत्रमा एकसय ४५ वटा बंगुरका पाठापाठी वितरण गर्ने, कृषकलाई आवश्यक ज्ञान सीपसहित तालिम दिने, औषधी उपचारको व्यवस्था मिलाउने छ । वालिङलाई माछा मासु तथा अण्डामा आत्मनिर्भर बनाउन यसखालका कार्यक्रमले निकै महत्वपूर्ण भूमिका राख्ने भएकाले यो अभियानमा नगरपालिकासहित लक्षित कृषक झन् सक्रिय हुनु आवश्यक रहेको डा. अधिकारीले बताए ।
Related News
सम्बन्धित समाचार
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
रैथाने बाली संरक्षण गर्दै कृषि ज्ञान केन्द्र
hero news full width
मुख्य समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१