गण्डकीको संसद बैठक अझै अनिश्चित

आदर्श समाज सम्वाददाता
वैशाख २०, २०७८
parle netra subba

पोखरा । राष्ट्रिय जनमोर्चाका सांसद ‘हराएपछि’ स्थगित भएको गण्डकी प्रदेश सभाको बैठक अझै अनिश्चित बनेको छ । विशेष अधिवेशनको बैठक सदन चलाउन सभामुख नेत्रनाथ अधिकारीले आज डाकेको बैठक निश्कर्षविहीन भएको छ ।

पछिल्ल्लो समयमा सिर्जित राजनीतिक घटनाक्रमका कारण कुर्सी जोगाउन सफल मानिएको सत्तारुढ दल एमालेका प्रतिनिधि बैठकमा सहभागी थिए । एमाले संसदीय दलका प्रमुख सचेत मायानाथ अधिकारीले बैठकमा सहभागी भएर सभामुखका कार्यशैलीप्रति असुन्तुष्टि जनाएका थिए ।

सभामुखले निश्पक्ष भएर बैठक चलाउनु पर्नेमा त्यसो नदेखिएको भन्दै उनले लामै गुनासो गरे । आइतबारको बैठकमा सहभागीहरुको गुनासो सुन्ने काम नै बढी भयो । बैठक चलाउने बारेमा भने केही टुंगो लागेको छैन ।

अब सभामुखले संसदमा प्रतिनिधित्व गर्ने सबै दलका नेतासँग बैठक गरेपछि फेरि कार्यव्यवस्था परामर्श समितिको बैठक बसेर अगाडि बढ्ने निधो भएको छ ।
सदन चलाउनकै लागि सभामुखले दलका नेताहरुसँग छलफल पनि गरिरहेका छन् । जनमोर्चा संसदीय दलका नेता कृष्ण थापासँग उनले आइतबार भेटेका थिए ।
जनमोर्चाकै सांसद हराएको सूचनाका आधारमा सभामुखले १५ गते बैठक स्थगित गरेका थिए । आफ्ना सांसद बिरामी भएर उपचार गराइरहेको जानकारी जनमोर्चाले सभामुखलाई औपचारिक रुपमा गराइसकेको छ ।

वैशाख २ गते कांग्रेससहित ३ दलले दर्ता गराएको अविश्वास प्रस्तावमाथि वैशाख १५ गते मतदान हुने कार्यसूची थियो । अविश्वास प्रस्ताव पारित गर्न ३१ मत चाहिनेमा जनमोर्चाका खीमविक्रम शाही र स्वतन्त्र सांसद अनुपस्थित थिए ।

६० सदस्यीय गण्डकी प्रदेश सभामा एमालेका २७ सांसद छन् । एमालेलाई १ स्वतन्त्र सांसदको साथ छ । धरमरमा रहेका स्वतन्त्र सांसद राजीव गुरुङ(दीपक मनाङे) लाई मन्त्री बनाएर थप एक भोट सुरक्षित गरेका छन् ।

संसदमा कांग्रेसका १५, माओवादीका १२, जनमोर्चाका ३ र जसपाका २ सांसद छन् । अविश्वास प्रस्तावमा जनमोर्चाको मौखिक समर्थन र २८ सांसदको हस्ताक्षर छ ।

Related News

सम्बन्धित समाचार

  • बेलुन बिस्फोटले उपप्रधानमन्त्री र मेयर घाइते

    आदर्श समाज सम्वाददाता फागुन ३, २०८१
    पोखरा । पोखरा भ्रमण वर्ष–२०२५ को औपचारिक उद्घाटनक्रममा बेलुन पड्किएर उपप्रधान तथा अर्थमन्त्री विष्णुप्रसाद पौडेल र पोखरा महानगरका मेयर धनराज…
  • पुलिसलाई हराउँदै ब्ल्याक बुल्स च्याम्पियन

    आदर्श समाज सम्वाददाता फागुन ३, २०८१
    पोखरा । २४ औं आहारारा पोखरा गोल्डकप फुटबल प्रतियोगितामा नेपाल पुलिस क्लबलाई पराजित गर्दै उज्वेकिस्तानको ब्ल्याक बुल्स एफसीले उपाधि जितेको…
  • सफल पोखरा म्याराथनमा दौडियो पोखरा

    आदर्श समाज सम्वाददाता फागुन ३, २०८१
    पोखरा । नेपाल भूतपूर्व खेलाडी मञ्चको आयोजनामा १९ औं संस्करणको ‘सफल पोखरा अन्तर्राष्ट्रिय म्याराथन–२०२५’ सुरु भएको छ । पोखरा रंगशालाबाट…
  • पुम्दीकोटमा दर्शक बढ्ने अपेक्षा

    आदर्श समाज सम्वाददाता फागुन २, २०८१
    पोखरा । पोखरा–२२, पुम्दीकोटमा यही ७ देखि १५ फागुनसम्म हुने श्रीमद्भागवत् एवं महाशिवरात्रि महिमा कार्यक्रममा यसअघि आयोजना भएका महायज्ञभन्दा बढी…
  • आहारारामा को होला च्याम्पियन ?

    आदर्श समाज सम्वाददाता फागुन २, २०८१
    पोखरा । सहारा क्लब पोखरा आयोजनामा जारी २४औं आहारारा पोखरा गोल्डकप फुटबलको फाइनल शनिबार हुँदैछ । उपाधिका लागि पोखरा रंगशालामा…

hero news full width