समस्याको जड केपी ओली : डा. डिला संग्रौला

आदर्श समाज सम्वाददाता
वैशाख ६, २०७८
Dr. Dila Sangraula Photo

पोखरा । नेपाली कांग्रेसकी नेतृ डा. डिला संग्रौलाले सत्तारुढ दल नेकपा एमालेले लोकतन्त्र र संसदीय मुल्य मान्यतालाई भत्काउने कार्य गरेको उनले आरोप लगाइन् । सोमबार नेपाल प्रेस युनियनले पोखरामा गरेको पत्रकार भेटघाट कार्यक्रममा बोल्दै उनले यस्तो बताएकी हुन् ।

‘प्रधानमन्त्री केपी शर्मा ओलीले आफैले भंग गरेको संसद पुनस्र्थापित भएपछि थोरै पनि नैतिकता भएको भए राजीनामा दिनुपर्ने थियो’ भन्दै उनले अब उनलाई नैतिकताको पाठ सिकाउने बेला आएको बताइन् । प्रधानमन्त्री केपी ओलीको राष्ट्रवादको मुकुण्डो भारतीय गुप्तचर संस्था रअका प्रमुख सामन्तकुमार गोयलले उदांगो परिदिएको बताएकी छन् ।

‘समृद्धि र राष्ट्रवादका ठूलठूला गफ दिने प्रधानमन्त्री ओलीको राष्ट्रवाद भारतीय गुप्तचर प्रमुखले मध्यरातमा भेटेर के के गरेको कुराले उदांगो भएको छ । उनको राष्ट्रवादलाई अब नेपाली नागरिकले चिनिसकेका छन्,’ उनले भनिन् ।

प्रधानमन्त्री ओलीले जनतालाई भ्रमित पारेको भए पनि विस्तारै त्यो उदांगिदै गएको उनले बताइन् । गण्डकी प्रदेशमा हिउँदे अधिवेशन चालु रहेको अवस्थामा मध्यरातमा अधिवेशन अन्त्य गर्नु अलोकतान्त्रिक भएको बताइन् । कर्णाली प्रदेशबाट विपक्षी दलहरुको सहकार्यको यात्रा अगाडि बढेको उनको भनाइ छ । गण्डकी प्रदेश हुँदै केन्द्र र अन्य प्रदेशमा पनि सहकार्यले निरन्तरता पाउने उनको भनाइ थियो ।

नेतृ संग्रौलाले वर्तमान सरकारले हत्या हिंसा रोक्न, महिला हिंसालाई नियन्त्रण गर्न नसकेको अरोप लगाइन् । पीडितले न्याय नपाउने अनि पीडकहरु खुल्ला रुपले हिँड्दा त्रास बढाउने काम गरेको उनको भनाइ थियो ।

Related News

सम्बन्धित समाचार

  • एमाले वडा कमिटी २१ को पदस्थापन

    आदर्श समाज सम्वाददाता फागुन १, २०८१
    पोखरा । नेकपा (एमाले) पोखरा–२१ वडा कमिटीको दोस्रो अधिवेशनबाट निर्वाचित कमिटीको पदस्थापन समारोह सम्पन्न भएको छ । एमाले केन्द्रीय सदस्य…
  • एकीकृत समाजवादी गण्डकीमा नेपाली

    आदर्श समाज सम्वाददाता माघ २९, २०८१
    पोखरा । नेकपा (एकीकृत समाजवादी) गण्डकी प्रदेशको प्रथम अधिवेशनबाट कृष्णबहादुर नेपाली अध्यक्षमा निर्वाचित भएका छन् । पोखरामा २ दिनसम्म चलेको…
  • ‘शैक्षिक क्षेत्रबाट प्रहरी कार्यालय हटाऊ’

    आदर्श समाज सम्वाददाता माघ २८, २०८१
    पोखरा । त्रिभुवन विश्वविद्यालय परिसरमा प्रहरी कार्यालय खडा गरिएपछि त्यसको विरोध भएको छ । नेपाल विद्यार्थी संघ त्रिभुवन विश्वविद्यालय समिति,…
  • पूर्वराजा ज्ञानेन्द्र पोखरामा

    आदर्श समाज सम्वाददाता माघ २८, २०८१
    पोखरा । पूर्वराजा ज्ञानेन्द्र शाह पोखरा आएका छन् । पोखरा र आसपासका जिल्लामा रहेका शक्तिपीठ भ्रमणका लागि उनी आइतबार समिट…
  • पूर्व राजा ज्ञानेन्द्रको पोखरा सवारी हुने

    आदर्श समाज सम्वाददाता माघ २४, २०८१
    पोखरा । पूर्व राजा ज्ञानेन्द्र शाहको पोखरा सवारी हुने भएको छ । यही २७ माघमा उनी पोखरा आउन लागेका हुन्…

hero news full width