पोखरा । जबरजस्ती करणी मुद्दा मिलाउन लागीपरेको आरोपमा पक्राउ परेका अधिवक्ता लक्ष्मीप्रसाद घिमिरे आइतबार रिहा भएका छन् । कानुनी परामर्श दिएकै आधारमा झुटा आरोप लगाएर प्रहरीले पक्राउ गरी गैरकानुनी रुपमा थुनामा राखेको भन्दै उच्च अदालतमा गत शुक्रबार नै बन्दीप्रत्यक्षीकरण रिट दायर भएको थियो ।
रिटमा जिल्ला प्रहरी कार्यालय र जिल्ला अदालत कास्कीलाई विपक्षी बनाइएको छ । जिल्ला अदालत कास्कीले पेस गरेको जवाफमा अधिवक्ता घिमिरेले चेक काटेको पाइएको र त्यसैका आधारमा पक्राउ गरेको उल्लेख छ । गीता तिवारीको नाममा रहेको बैंक खाताको चेक भर्न सहयोग गरेकै आधारमा अधिवक्ता घिमिरेलाई पक्राउ गर्नु गैरकानुनी रहेको जिकीर रिट निवेदकको छ ।
गैरकानुनी रुपमा पक्राउ गरी थुनामा राखेको भन्दै परेको रिटमाथि सुनुवाइ गर्दै उच्च अदालत पोखराले अधिवक्ता घिमिरेलाई थुनामुक्त गरेको हो
रिटमा प्रारम्भिक सुनुवाइ गर्दै न्यायाधीशद्वय प्रमोदकुमार वैद्य श्रेष्ठ र डालकुमार खड्काको इजलाशले अधिवक्ता घिमिरेलाई थुनामुक्त गर्ने आदेश आइतबारै गरेको हो । आदेशलगत्तै उनी उच्च बार पोखराका अध्यक्ष नारायणप्रसाद पौडेलको रोहबरमा थुनामुक्त भएका हुन् ।
अनुसन्धानका लागि भन्दै जिल्ला अदालतको पक्राउ पुर्जी देखाएर प्रहरीले गत बिहीबार अधिवक्ता घिमिरेलाई जिल्ला अदालत नजिकैबाट पक्राउ गरेको थियो । अनुसन्धानका लागि भनेर ४ दिन म्याद समेत थप भइसकेपछि उच्च बारका तर्फबाट उपाध्यक्ष दीपक पौडेलले शुक्रबार रिट दायर गरेका थिए । कानुन व्यवसायीको मर्यादा कायम राख्दै कुनै पनि मुद्दामा सहजीकरण गरेकै आधारमा झुटा आरोप लगाएर पक्राउ गर्नु नै गैरकानुनी रहेको रिटमा उल्लेख छ ।
उक्त रिटमा बहसका लागि पोखराका ६० भन्दा बढी कानुन व्यवसायीले वकपत्र पेस गरेका थिए । वरिष्ठ अधिवक्ता तिलक पराजुली, रामप्रसाद घिमिरे, कृष्णबहादुर थापा, कृष्णबहादुर गुरुङ, विश्व घिमिरे, हरिप्रसाद सुवेदी, बार केन्द्रीय उपाध्यक्ष सुरेन्द्र थापामगर, अधिवक्ता मुकुन्द अर्याल लगायतले बहस गरेका थिए । चेकमा अक्षर अधिवक्ता घिमिरेकै रहे पनि जबरजस्ती करणी मुद्दा मिलाउन र जाहेरी नदिन उनले पहल गरेको कुनै आधार र प्रमाण नै नभइ बाहिरका बिचौलियाले आरोप लगाएका आधारमा प्रहरीले पक्राउ गरेको उनीहरुको जिकीर थियो ।
यसैबीच अधिवक्ता घिमिरेले आफू जबरजस्ती करणी मुद्दा मिलाउने काममा कहिँ कतै संलग्न नरहेको बताएका छन् । समाचारमा आएजस्तो मुद्दाका पक्षबाट आफूले चेक, नगद केही पनि नलिएको भन्दै भरपर्दो स्रोत प्रयोग गर्न र जिम्मेवार पत्रकारिता गर्न उनले आग्रह गरेका छन् ।
घटना विवरण अनुसार पोखराकै १७ वर्षे युवतीमाथि पटकपटक जबरजस्ती करणी गरेको आरोपमा ५७ वर्षे पुरुष २२ दिन अघि पक्राउ परेका थिए । कहिले लेकसाइडका होटेल त कहिले पामेतिर लगेर बारम्बार करणी गरेको आरोपसहित युवतीले दिएको उजुरीका आधार ती पुरुष पक्राउ परेका हुन् । पक्राउ परेका ती पुरुषकी पत्नीलाई भेटेर मुद्दा मिलाइदिने भन्दै २ जनाले यसअघि नै केही रकम असुली गरेका थिए । प्रहरीले घटनाको अनुसन्धान गरेर फाइल तयार गरिरहेकै बेला मुद्दा मिलाइदिने भन्दै पीडितका आफन्तलाई फकाउन लागीपरेका २ जना पीडितकै उजुरीका आधारमा फागुन १९ गते पक्राउ परेका थिए । पोखरा महानगरपालिका– ८ बस्ने ५८ वर्षका सूर्यलाल खड्का र धादिङ गंगाजमुना गाउँपालिका १ घर भई पोखराको हेमजा बस्ने ३९ वर्षका कमन भनिने कमानबहादुर तामाङ पक्राउ परेका थिए ।
जिल्ला प्रहरी कार्यालय कास्कीका प्रवक्ता डिएसपी सुवास हमालका अनुसार जबरजस्ती करणी मुद्दाका पक्षलाई उनीहरुले ‘प्रहरी, वकिल र अदालतसँग सेटिङ छ, १ करोड रकम दिए मिलाई दिन्छु नत्र १५ वर्ष जेल जान्छ’ भनी धम्क्याइ झुटा आश्वासन दिएर केही रकमसमेत असुली गरेका थिए । उनीहरुसँग अधिवक्ता घिमिरेको कुनै सम्बन्ध नरहेको कानुन व्यवसायीले बताएका छन् ।
Related News
सम्बन्धित समाचार
गण्डकी प्रदेश सभाको बैठक ३० मिनेटका लागि स्थगित
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
विश्वासको मतअघि अधिकारी सरकारले वितरण गर्यो ५० लाख आर्थिक सहायता
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१