पोखरा । लायन्स क्लब इन्टरनेसनल डिष्ट्रिक्ट ३२५ बि १ नेपालको नवौं कन्भेन्सन पोखरामा हुने भएको छ ।
नयाँबजारस्थित प्रदर्शनी केन्द्रमा चैत १४ मा हुने कन्भेन्सनमा १६ जिल्लाका ५ सय ९० लायन्स क्लबहरुको सहभागिता रहने लायन्स क्लब इन्टरनेशनल डिष्ट्रिक्ट ३२५ बि १ नेपालका गभर्नर मनबहादुर रोकाले जानकारी दिए । जसमा करिब ४ हजार लायन्स सदस्यको जमघट हुने आयोजकको अनुमान छ ।
कन्भेन्सनका लागि डिष्ट्रिक्ट गभर्नरमा विश्वेश्वर आचार्य, फस्ट भाइस गभर्नरमा महेन्द्र पौडेल र सेकेण्ड भाइस गभर्नरमा मनिश्रीरत्न बज्राचार्यको उम्मेदवारी छ ।
कन्भेनर शिवराज आचार्यका अनुसार कार्यक्रमको पूर्व सन्धामा चैत १३ गते काठमाडौंदेखि पोखरासम्म कार ¥याली हुनेछ । त्यस्तै सोही दिन पोखराका मुख्य ९ चोकमा सरसफाइ हुनेछ । कन्भेन्सनको दिन चिप्लेढुंगाबाट विभिन्न बाजागाजा सहित परेड प्रदर्शन गरिने छ ।
कार्यक्रममा गरिब तथा जेहेन्दार ४ सय ९० छात्रछात्रालाई छात्रवृत्ति वितरण गरिने पूर्व गभर्ननर धनराज आचार्यले जानकारी दिए । ‘पढाउ अभियान’ अन्तर्गत २ सय ८० ट्रष्ट (अक्षयकोषदाता) ले ४ सय ९० विद्यार्थीलाई छात्रवृत्ति प्रदान गर्नेछन् ।
२ करोड ६१ लाख रुपैयाँको अक्षयकोषको व्याजबाट करिब ३५ लाख रकम गरिब तथा जेहेन्दार छात्रछात्रालाई चैत १३ मा प्रदान गरिनेछ । अक्षयकोष स्थापना गर्न आफ्नो आफन्त तथा इष्टमित्रको स्मृतिमा कम्तीमा ५० हजारदेखि ५ लाख ५५ हजार रुपैयाँसम्मको अक्षयकोष स्थापना गर्न सकिने प्रावधान रहेको आचार्यले बताए ।
हरेक वर्ष बैशाख अघि नै छात्रवृत्ति प्रदान गर्दै आएको बताउँदै उनले यस वर्ष पनि चरणबद्ध रुपमा करिब ३५ लाख रुपैयाँ वितरण गरिने छ । उनले उक्त दिन अक्षयकोषको प्रकृति हेरेर ४ हजार ५ सयदेखि ३५ हजारसम्मको छात्रवृत्ति प्रदान गर्ने बताए । आचार्यका अनुसार गण्डकी प्रदेश पश्चात चैत २० मा वाग्मती प्रदेशमा समेत छात्रवृत्ति वितरण गरिनेछ ।
कन्भेन्सन सफल पार्न होस्ट क्लब लायन्स क्लब अफ पोखरा माछापुच्छ«े भिलेज सहित पोखरा क्षेत्रका सम्पूर्ण क्लबहरुको महत्वपूर्ण भूमिका रहने आयोजकले जनाएको छ । कन्भेन्सनको लागि २८ उपसमिति गठन गरिएको छ ।
Related News
सम्बन्धित समाचार
पोखराको मालेपाटनमा डिभाइडरमा ठोक्किएर कार दुर्घटना
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
hero news full width
मुख्य समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१