लमजुङ । गण्डकी प्रदेशका मुख्यमन्त्री पृथ्वीसुब्बा गुरुङले गण्डकी प्रदेशलाई खेलकुदको पनि राजधानी बनाउने चाहना रहेको बताएका छन् । उनले एन्फा प्रेसिडेन्ट कप २०७७ फुटबल प्रतियोगितामा भाग लिन जाने बेंसीसहरस्थित त्रिवेणी युवा क्लबका खेलाडीलाई शुभकामना र बिदाई गर्दै शनिबार सो कुरा बताएका हुन् ।
मुख्यमन्त्री गुरुङले उच्च मनोबलका साथ खेलेर गण्डकी प्रदेशको नाम उँचो बनाउन खेलाडी आग्रह गरे । उनले भने, ‘हामी गण्डकीलाई खेलकुदको पनि राजधानी बनाउन चाहन्छौं । तपाईंहरूले लमजुङको बेंसीसहरको वडा नम्बर ७ को मात्र नभई सिंगो गण्डकी प्रदेशको प्रतिनिधित्व गर्दै हुनुहुन्छ । त्यसैले उच्च मनोबलका साथ खेल्न र जितेर पहिलो उपाधि ल्याउन शुभकामना दिन्छु, खर्चका लागि चिन्ता नगर्नू ।’ मुख्यमन्त्री गुरुङले सदरमुकामको आसपासमा जग्गाको प्रबन्ध भएमा फुटबलका लागि एक रंशाला प्रदेश सरकारले बनाउनेछ भन्ने प्रतिबद्धता व्यक्त गरे । खेलाडीका लागि निर्धारण गरिएको तलबको प्रबन्ध प्रदेश सरकारले व्यहोर्ने बताए ।
बेंसीसहरको त्रिवेणी युवा क्लबले एन्फा प्रेसिडेन्ट कप २०७७ मा गण्डकी प्रदेशको प्रतिनिधित्व गर्ने मौका पाएको छ । सो टिमले चौथो स्थान मात्र हासिल गर्दा पनि फुटबलको डिभिजन ए खेल्ने अवसर पाउने भएको छ ।
त्रिवेणी युवा क्लबका अध्यक्ष सिजन श्रेष्ठको अध्यक्षतामा भएको पत्रकार भेटघाट कार्यक्रममा उनले प्रतियोगितामा भाग लिने खेलाडीको टिममा २३ जना खेलाडी, अफिसियल र फिजिओसहित ७ जना गरी ३० जना रहने बताए । उक्त प्रतियोगिता सम्पन्न गर्न २९ लाख १० हजार खर्च लाग्ने अनुमान गरिएको छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१