बिटी कपको उपाधि एम टुवेललाई

आदर्श समाज सम्वाददाता
फागुन २३, २०७७
BT photo

पोखरा । बुद्धटोल युवा क्लब पोखराद्वारा आयोजित ‘चौथोे वीरेन स्मृति १४ औं बिटी कप सेभेन ए साइड नकआउट अन्तर क्लब फुटबल प्रतियोगिताको उपाधि एम टुवेलले जितेको छ ।

पोखरा महानरपालिका १ स्थित पुरानो टुडिखेलमा शनिबार भएको फाइनल खेलमा कमलपोखरी क्लबलाई ४–० को फराकिलो गोल अन्तरले पाराजित गर्दे एम टुवेलले उपाधि जितेको हो ।

एम टुवेलको जीतमा म्यान अफ द म्याच बनेका मनिस क्षेत्री, अविनाश तामाङ, सरोज तामाङ र मनोज गुरुङले समान १ गोलको योगदान दिए । पहिलो हाफमा २ गोल गरेको एम टुवेलले दोस्रो हाफमा पनि २ गोल गरेको थियो । खेलको १३ औं मिनेटमा अविनाश तामाङले गोल गर्दै टिमलाई अगाडि बढाएका थिए । त्यसको ४ मिनेटपछि मनोज गुरुङले गोल गर्दै २–० मा पुर्‍याए । २ गोलको अग्रतामा सकिएको खेलमा दोस्रो हाफको १७ औं मिनेटमा एम टुवेलका सरोज तामाङले गोल गर्दा टिम ३–० को अग्रतामा पुग्यो । निर्धारित समय सकिएपछि थपिएको ३ मिनेटमा एम टुवेलका मनिश क्षेत्रीले गोल गर्दै ४–० ले कमलपोखरीलाई पछि पार्दै उपाधि चुमेको हो ।

उपाधिसँगै एम टुवेलले शिल्ड, मेडल तथा प्रमाणपत्र सहित १ लाख ३२ हजार २ सय २२ रुपैयाँहित सिल्ड, मृडल र प्रमाणपत्र प्राप्त गर्‍यो । भने उपविजेता बनेको कमलपोखरीले शिल्ड, मेडल तथा प्रमाणपत्र सहित ८२ हजार २ सय २२ हात पार्दै चित्त बुझाउन पर्‍यो ।

उक्त प्रतियोगिताबाट एम टुवेलका मनिस क्षेत्री सर्बाेत्कृट खेलाडीका रुपमा घोषित हुदै ट्रफी सहित नगद रु ५ हजार प्राप्त गरे । त्यस्तै विधागत तर्फ सोही क्लबकै रोमन थापा मगरले उत्कृष्ट गोलरक्षकको उपाधि हात पारे । सोही टिमकै मनोज गुरुङले उत्कृष्ट मिडफिल्डर, सरोज तामाङले उत्कृष्ट डिफेन्डर र आयोजक सेतोका सुनिल बिकले सर्वाधिक गोलकर्ताको उपाधि प्राप्त गर्दै जनही नगद ३ हजार हात पारे ।

कुल ४२ टिमको सहभागिता रहेको उक्त प्रतियोगिताबाट मालेपाटन एफसी अनुशासित टिमको रुपमा घोषित हुदै नगद ७ हजार रुपैयाँबाट पुरस्कृत भयो ।

सो प्रतियोगिताबाट विजेता तथा उपविजेता टिमलाई नेपाली कांग्रेसका नेता तथा संविधानसभा सदस्य रामहरी खतिवडा, क्लबका अध्यक्ष विजया गुरुङ तथा क्लबका सल्लाहकारहरु लगायतले पुरस्कार वितरण गरेका थिए ।

Related News

सम्बन्धित समाचार

  • ब्ल्याक बुल्स् सेमिफाइनलमा

    आदर्श समाज सम्वाददाता माघ २९, २०८१
    पोखरा । पोखरा रंगशालामा जारी २४ औं आहारार पोखरा गोल्डकप फुटबल प्रतियोगितामा मंगलबार दुई विदेशी टिमको प्रतिस्पर्धा रोचक रह्यो ।…
  • सहारा एकेडेमीका ६ खेलाडी ब्रिगेड ब्वाइजमा अनुबन्धित

    आदर्श समाज सम्वाददाता माघ २८, २०८१
    पोखरा । सहारा क्लब पोखराका ६ जना खेलाडी सहिद स्मारक ‘बि’ डिभिजन लिग फुटबल प्रतियोगिताका लागि ब्रिगेड ब्वाइज क्लब, ललितपुरमा…
  • हिमालयनलाई वडाध्यक्ष कप

    आदर्श समाज सम्वाददाता माघ २८, २०८१
    पोखरा । हिमालयन बोर्डिङ स्कुलले चौथो अन्तरविद्यालय वडा अध्यक्ष कप फुटबल प्रतियोगिताको उपाधि जितेको छ । ड्याम साइड क्लबले आयोजना…
  • थ्रिस्टार सेमिफाइनलमा प्रवेश

    आदर्श समाज सम्वाददाता माघ २८, २०८१
    पाेखरा । आहारारा पोखरा गोल्डकपको पाँचौंपल्टको विजेता थ्रि स्टार क्लब २४ औं संस्करणको प्रतियोगितामा सेमिफाइनल प्रवेश गरेको छ । आइतबार…
  • थण्डरबोल्ट क्वाटरफाइनलमा, संकटा पराजित

    आदर्श समाज सम्वाददाता माघ २५, २०८१
    पोखरा। संकटा क्लबलाई ३–१ गोलअन्तरले पराजित गर्दै भारतको थण्डरबोल्ट नर्थ युनाइटेड क्लब २४ औं आहारारा पोखरा गोल्डकपको क्वाटरफाइनल प्रवेश गरेको…

hero news full width