हेमजा । महिला बालबालिका तथा ज्येष्ठ नागरिक मन्त्री जुलीकुमारी महतो सडक बालबालिकाको अवस्था बुझ्न बुधबार कास्की आएकी छन् । मन्त्री बनेपछि उनी पहिलोपटक यसरी बालबालिकाको अवस्था अनुगमनमा निस्केकी हुन् ।
मन्त्री महतोले त्यस क्रममा अन्नपूर्ण गाउँपालिका १, लेवाडेस्थित चिल्डे«न नेपालको फूलबारी स्रोत केन्द्रमा हाल आश्रित १४ सडक बालबालिकाको अवस्था बुझेकी छन् । त्यसक्रममा मन्त्री महतोले विस २०७८ भित्र नेपाललाई सडक बालबालिकामुक्त घोषणा गर्ने लक्ष्यका साथ सरकारले कार्यलाई तीब्रता दिएको बताइन् । उनले त्यसका लागि सरोकारवाला सबैको पूर्ण साथ चाहिने समेत औल्याइन् ।
प्रधानमन्त्री केपी शर्मा ओलीको भावना र मान्यता अनुसार सडक बालबालिका मुक्तको कार्य तीब्र पारिएको मन्त्री महतोले स्पष्ट पारिन् । अब चाँडै नै नेपालको सडकमा भिखमग्ना बालबालिका देख्न पाइँदैन, यो राज्यका लागि महत्वपूर्ण हुने उनको भनाइ छ । मन्त्री महतोले बालबालिकाको क्षेत्रमा चिल्डे«न नेपालले गरेको कार्यको प्रशंसा गर्दै त्यसलाई निरन्तरता दिन आग्रह पनि गरिन् ।
राष्ट्रिय बाल अधिकार परिषद्का कार्यकारी निर्देशक मिलनराज घरेलले नेपाल सडक बालबालिका मुक्त राष्ट्रको अन्तिम चरणमा रहेको जानकारी दिर्दै परिणाम केन्द्रीत कार्य गर्न निर्देशन दिए ।
त्यस क्रममा मन्त्री महतोको टोलीलाई चिल्डे«न नेपालका संस्थापक अध्यक्ष रामचन्द्र पौडेलले त्यहाँ आश्रित बालबालिकाको अवस्था बारेमा अवगत गराए । संस्थाले बालबालिकाको शिक्षाको क्षेत्रमा कार्य गर्दै आएको जनाउँदै संस्थापक अध्यक्ष पौडेलले बालबालिकाको जीविकोपार्जन सुधार अन्र्तगत अभिभावकलाई पनि विभिन्न तालिम दिर्दै आएको स्पष्ट पारे ।टोलीमा मन्त्रालयका उपसचिव शान्तिराज प्रसाई तथा राष्ट्रिय बाल अधिकार परिषद्का केशव चालिसे लगायत पनि सहभागी छन् ।
त्यस्तै मन्त्री महतो नेतृत्वको टोलीले बुधवार पोखरा–१८, सराङकोट स्थित बाल सुधार गृहको पनि अनुगमन गरेको छ ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१