पोखरा । सृजना विकास केन्द्रको अधिवेशनबाट इन्द्रप्रसाद पौडेल सर्वसम्मत अध्यक्षमा चयन भएका छन् । संस्थाको मंगलबार पोखरामा भएको ४३ औं वार्षिक साधारणसभा तथा २१ औं अधिवेशनबाट प्रथम उपाध्यक्षमा कृष्ण थापा, द्वितीय उपाध्यक्षमा कमलादेवी गिरी, महासचिवमा चन्द्र गिरी, सचिवमा विश्व श्रेष्ठ र कोषाध्यक्षमा कृष्णमान ठुसाजू चयन भए ।
सदस्यहरूमा सुशील विजुक्छे, दानबहादुर गुरुङ र अशोक श्रेष्ठ छन् । अधिवेशन सम्पन्न गर्न वीरबहादुर अधिकारी संयोजक, राजु पौडेल र एकनारायण अर्याल सदस्य रहेको निर्वाचन समिति बनाइएको थियो ।
अधिवेशन उद्घाटनपछि गण्डकी प्रदेश प्रमुख अमिक शेरचनले राष्ट्रिय एकता अहिलेको आवश्यकता रहेको बताएका छन् । प्रदेश प्रमुख शेरचनले राष्ट्रिय एकता र सहमतिले मात्रै देशलाई समृद्धिको बाटोमा लैजान सकिने तर्क राखे ।
देशमा विकसित अहिलेको घटनाक्रमले आफूलाई दुःखी तुल्याएको भन्दै उनले सबैलाई एकताबद्ध बनाएर जान सके मात्र राष्ट्रियताको रक्षा गर्न सकिने धारणा राखे ।
एक अर्को प्रसंगमा उनले नेपालको गरिबीको प्रमुख दुश्मन भ्रष्टाचार र कमिसनतन्त्र रहेको बताए । देशमा व्याप्त भ्रष्टाचार समाप्त पार्न कडा कानुनको आवश्यकता रहेको प्रदेश प्रमुख शेरचनको भनाइ थियो ।
कार्यक्रममा सृजना विकास केन्द्रका संस्थापक अध्यक्ष डम्बर केसी, नेपाल रेडक्रस सोसाइटी, कास्कीका सभापति डोलराज पाण्डे, राजनीतिज्ञ सोभियतबहादुर अधिकारी, पोखरा–८ का पूर्व वडाध्यक्ष वीरेन्द्रनारायण विजुक्छे, समाजसेवी परशुराम बराल र राष्ट्रिय मानवअधिकार आयोग, गण्डकी प्रदेशका प्रमुख चन्द्रकान्त चापागाईंले समाजमा सृजना विकास केन्द्रले पु¥याएको योगदानबारे चर्चा गरे ।
केन्द्रका निवर्तमान अध्यक्ष मीनप्रसाद भट्टराईको अध्यक्षतामा भएको कार्यक्रममा प्रथम उपाध्यक्ष इन्द्रप्रसाद पौडेलले स्वागत र महासचिव राधिका रेग्मी तथा सचिव चन्द्र गिरीले सञ्चालन गरेका थिए । केन्द्रको साधारणसभाले महासचिव राधिका रेग्मी र कोषाध्यक्ष कमलादेवी गिरीद्वारा प्रस्तुत प्रतिवेदन सर्वसम्मतिले पारित गरेको छ ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१